Շա­բաթ՝ 1 Օ­գոս­տո­սին, դժբախտ պա­տա­հար մը տե­ղի ու­նե­ցած է Ծաղ­կա­ձո­րի մէջ: Հա­մա­հայ­կա­կան ա­մառ­նա­յին 6րդ Խա­ղե­րուն մաս­նակ­ցե­լու նպա­տա­կով Միա­ցեալ Նա­հանգ­նե­րէն Հա­յաս­տան ե­կած 20 տա­րե­կան Լե­ւոն Թո­մաս, մին­չեւ Հա­մա­հայ­կա­կան Խա­ղե­րուն պաշ­տօ­նա­կան սկիզ­բը, կարգ մը խմբա­կից­նե­րու եւ ա­նոնց հա­րա­զատ­նե­րուն հետ հան­գիս­տի նպա­տա­կով մեկ­նած է Ծաղ­կա­ ձոր, ուր ար­կա­ծի են­թար­կո­ւե­լով մա­հա­ցած է:

Հա­մա­հայ­կա­կան Խա­ղե­րու Հա­մաշ­խար­հա­յին Կո­մի­տէն իր խո­րին ցա­ւակ­ցու­թիւ­նը յայտ­նած է մա­հա­ցած ե­րի­տա­սար­դի ըն­տա­նի­քին, հա­րա­զատ­նե­րուն եւ խմբա­կից­նե­րուն:

Հա­մա­հայ­կա­կան Խա­ղե­րու Հա­մաշ­խար­հա­յին Կո­մի­տէն կոչ ուղ­ղած է, այս ա­ռի­թով, բո­լոր մաս­նակ­ցող­նե­րուն եւ հիւ­րե­րուն, ա­ռա­ւե­լա­գոյն չա­փով ըլ­լա­լու զգոյշ` անձ­նա­կան նա­խա­ձեռ­նու­թիւն­նե­րու ըն­թաց­քին եւ զերծ մնա­լու վտանգ ներ­կա­յաց­նող գոր­ծո­ղու­թիւն­նե­րէ: