Յու­լիս 6ին Ար­ցա­խի ­Հան­րա­պե­տու­թեան պա­տո­ւի­րա­կու­թիւ­նը` նա­խա­գահ ­Բա­կօ ­Սա­հա­կեա­նի գլխա­ւո­րու­թեամբ, աշ­խա­տան­քա­յին այ­ցով մեկ­նած է ­Մեծն Բ­րի­տա­նիա: ­Յու­լիս 7ին ­նա­խա­գահ ­Սա­հա­կեան ­Մեծն Բ­րի­տա­նիոյ մայ­րա­քա­ղա­քին մէջ հան­դի­պում ու­նե­ցած է ­Հայ ­Հա­մայն­քա­յին ­Խոր­հուր­դի ան­դամ­նե­րուն հետ եւ քննար­կած տե­ղի հայ հա­մայն­քի ու Ար­ցա­խի մի­ջեւ կա­պե­րու զար­գաց­ման առն­չո­ւող հար­ցեր: ­Նոյն օ­րը Բ. Սահակեան ­Լոն­տո­նի Սբ. Ե­ղի­շէ ե­կե­ղեց­ւոյ մէջ հան­դի­պում  ու­նե­ցած է բրի­տա­նա­հայ հա­մայն­քի ներ­կա­յա­ցու­ցիչ­նե­րուն հետ:

­Ջերմ եւ ան­մի­ջա­կան մթնո­լոր­տի մէջ Լ.Ղ.Հ. ղե­կա­վա­րը տե­ղե­կու­թիւն­ներ  հա­ղոր­դած է Ար­ցա­խի կեան­քի, ձեռք­բե­րում­նե­րու եւ առ­կայ խնդիր­նե­րու մա­սին, պա­տաս­խա­նած բարձ­րա­ցո­ւած հար­ցե­րուն: ­Բա­կօ ­Սա­հա­կեա­նի խօս­քով` ­Մեծն Բ­րի­տա­նիոյ հայ­կա­կան հա­մայն­քը աշ­խոյժ դե­րա­կա­տա­րու­թիւն ու­նի թէ՛ ­Միա­ցեալ ­Թա­գա­ւո­րու­թեան, թէ՛ ս­փիւռ­քի եւ թէ՛ պատ­մա­կան հայ­րե­նի­քի կեան­քին մէջ: ­Նա­խա­գա­հը ե­րախ­տա­գի­տու­թիւն  յայտ­նած է հա­մայն­քի ներ­կա­յա­ցու­ցիչ­նե­րուն հայ­րե­նա­սի­րու­թեան եւ հա­րա­զատ ժո­ղո­վուր­դին նո­ւի­րո­ւա­ծու­թեան հա­մար: