Հա­յաս­տա­նի մէջ Միա­ցեալ Նա­հանգ­նե­րու դես­պա­նա­տու­նը մտա­հո­գու­թիւն յայտ­նած է 23 Յու­նի­սի ա­ռա­ւօ­տեան ցու­ցա­րար­նե­րը ցրո­ւե­լու ըն­թաց­քին ոս­տի­կա­նու­թեան կող­մէ բա­նե­ցո­ւած ան­հա­մա­չափ ու­ժին, ինչ­պէս նաեւ ոս­

տի­կա­նու­թեան կեդ­րո­նին մէջ գոր­ծադ­րո­ւած բռնու­թիւն­նե­րուն մա­սին հա­ղոր­դում­նե­րուն առն­չու­թեամբ: Այս մա­սին յայ­տա­րա­րու­թիւն հրա­պա­րա­կած է Հա­յաս­տա­նի մէջ Միա­ցեալ Նա­հանգ­նե­րու դես­պա­նա­տու­նը։

«­Յու­նիս 22ի ե­րե­կո­յեան ե­լեկտ­րա­կա­նու­թեան սա­կի ծրագ­րո­ւած թան­կաց­ման դէմ բո­ղո­քող ցու­ցա­րար­նե­րուն եւ ոս­տի­կան­նե­րուն պա­տաս­խա­նա­տու ու ընդ­հա­նուր առ­մամբ յար­գա­լից վե­րա­բեր­մուն­քը քա­ջա­լե­րող էր: Խօս­քի ու հան­րա­հա­ւաք­նե­րու ա­զա­տու­թիւ­նը ժո­ղովըր­դա­վա­րու­թեան հիմ­նա­րար ի­րա­ւունք­ներ են եւ մե­զի հա­մար ու­րա­խա­լի էր տես­նել, որ եր­կու կող­մերն ալ կը գոր­ծէին յար­գե­լով այս ի­րա­ւունք­ներն ու զերծ մնա­լով լա­րո­ւա­ծու­թեան սրու­մէն: Սա­կայն մենք մտա­հո­գո­ւած ենք 23 Յու­նի­սի ա­ռա­ւօ­տեան ցու­ցա­րար­նե­րը ցրո­ւե­լու ըն­թաց­քին ոս­տի­կա­նու­թեան կող­մէ կի­րար­կո­ւած ան­հա­մա­չափ ու­ժին, ինչ­պէս նաեւ ոս­տի­կա­նու­թեան բա­ժան­մունք­նե­րուն մէջ տեղ գտած բռնու­թիւն­նե­րուն մա­սին հա­ղոր­դում­նե­րով: Հ­րա­մա­յա­կան է, որ կա­ռա­վա­րու­թիւ­նը Հա­յաս­տա­նի օ­րէնսդ­րու­թեան ծի­րին մէջ ոս­տի­կա­նու­թեան կող­մէ ան­հա­մա­չափ ու­ժի կի­րառ­ման մա­սին հա­ղոր­դում­նե­րու ամ­բող­ջա­կան ու թա­փան­ցիկ քննու­թիւն կա­տա­րէ»,- նշո­ւած է հա­ղոր­դագ­րու­թեան մէջ: