14-15 Մա­յի­սին Ե­րե­ւա­նի մէջ տե­ղի ու­նե­ցաւ Եւ­րո­պա­կան Բարձ­րա­գոյն Կր­թա­կան Տա­րած­քի (Ե.Բ.Կ.Տ.) նա­խա­րա­րա­կան վե­հա­ժո­ղո­վը եւ Պո­լո­նիոյ (Իտալիա)հռչակագրի գործարկման 4րդ քա­ղա­քա­կան խորհր­դա­ժո­ղո­ վը:

Վե­հա­ժո­ղո­վին եւ խորհր­դա­ժո­ղո­վին ներ­կայ գտնո­ւե­ցան տար­բեր եր­կիր­նե­րու մէջ կրթու­թեան մար­զի պա­տաս­խա­նա­տու­ներ եւ պատո­ւի­րա­կու­թիւն­ներ:

Խորհր­դա­ժո­ղո­վի ըն­թաց­քին կա­րե­ւոր ո­րո­շում­ներ առ­նո­ւե­ցան։ Պե­լա­ռու­սը՝ Մա­յիս 14ին դար­ձաւ Եւ­րո­պա­կան Բարձ­րա­գոյն Կր­թա­կան Տա­րած­քի ան­դամ։ Պո­լո­նիա­յի գոր­ծըն­թա­ցի նպա­տակ­նե­րէն է Եւ­րո­պա­կան Բարձ­րա­գոյն Կըր­թա­կան Տա­րած­քի ստեղ­ծու­մը, որ կո­չո­ւած է խթա­նե­լու Եւ­րո­պա­կան Բարձ­րա­գոյն Կր­թա­կան Հա­մա­կար­գի մրցու­նա­կու­թիւ­նը եւ գրաւ­չու­թիւ­նը, ինչ­պէս նաեւ ու­սա­նող­նե­րու աշ­խու­ժու­թիւ­նը եւ աշ­խա­տան­քի հնա­րա­ւո­րու­թիւ­նը։

Պո­լո­նիա­յի գոր­ծըն­թա­ցին մէջ ընդգր­կո­ւած են 47 եւ­րո­պա­կան եր­կիր­ներ, 10 խորհր­դա­տու կազ­մա­կեր­պու­թիւն եւ այլ գոր­ծըն­կեր կազ­մա­կեր­պու­թիւն­ներ։ Պո­լո­նիա­յի գոր­ծըն­թա­ցի հիմ­նա­կան բա­ղադ­րիչ­ներն են՝ ե­ռաս­տի­ճան կրթա­կան հա­մա­կարգ, ո­րա­կա­ւո­րում­նե­րու շրջա­նակ, ո­րա­կի ա­պա­հո­վում, փոխ-ճա­նա­չում, հա­մա­տեղ աս­տի­ճան­նե­րու հա­ւա­տագր­ման եւ­րո­պա­կան մօ­տե­ցում։

Հ.Հ. նա­խա­գահ Սերժ Սարգ­սեան Մա­յիս 14ին, Կա­րէն Դե­միր­ճեա­նի ա­նո­ւան մար­զա­հա­մեր­գա­յին հա­մա­լի­րին մէջ, մաս­նակ­ցած է Եւ­րո­պա­կան Բարձ­րա­գոյն Կր­թու­թեան Տա­րած­քի նա­խա­րա­րա­կան գա­գաթ­նա­ժո­ղո­վի եւ Պո­լո­նիա­յի քա­ղա­քա­կա­նու­թեան չոր­րորդ հա­մա­ժո­ղո­վի բա­ցու­մին:

Հան­րա­պե­տու­թեան նա­խա­գահ՝ Սերժ Սար­գե­սեան հան­դէս ե­կած է ող­ջոյ­նի խօս­քով։

Հ.Հ. կրթու­թեան եւ գի­տու­թեան նա­խա­րար Ար­մէն Ա­շո­տեան իր զե­կոյ­ցին մէջ նշեց.- Հա­մալ­սա­րան­նե­րու դե­րը վեր­ջին տաս­նա­մեա­կին թե­րագ­նա­հա­տո­ւած է: Հա­մալ­սա­րան­նե­րը լու­սա­ւո­րու­թեան կեդ­րոն­ներ են: «­Պէտք է փոր­ձենք կրճա­տել դի­ւա­նա­կա­լա­կան մօ­տե­ցում­նե­րը, կեդ­րո­նա­նանք փոր­ձա­ռու­թեան աշ­խու­ժաց­ման վրայ: Պէտք է ա­ւե­լի լաւ պայ­ման­ներ ստեղ­ծենք ե­րի­տա­սարդ գի­տ­նա­կան­նե­րուն հա­մար, կրթու­թիւ­նը ա­ւե­լի ու­սա­նո­ղա­կեդ­րոն ու ճկուն դարձ­նենք»,- ընդգծած է Կ.Գ. նա­խա­րա­րը:

Ա­նոր խօս­քե­րով՝ «բարձ­րա­գոյն կրթու­թիւ­նը պէտք է ըլ­լայ բարձրո­րակ եւ մատ­չե­լի»:

Հայ-ռու­սա­կան հա­մալ­սա­րան

Կա­ռա­վա­րու­թիւ­նը 14 Մա­յի­սին հա­մա­ձայ­նու­թիւն տո­ւած է Ե­րե­ւա­նի մէջ հայ-ռու­սա­կան հա­մալ­սա­րա­նի գոր­ծու­նէու­թեան պայ­ման­նե­րուն մա­սին Հա­յաս­տա­նի եւ Ռու­սիոյ կա­ռա­վա­րու­թիւն­նե­րուն մի­ջեւ հա­մա­ձայ­նա­գի­րի կնքման ա­ռա­ջար­կին:

«­Հա­մա­ձայ­նա­գի­րի կնքու­մը պի­տի նպաս­տէ գի­տու­թեան, մշա­կոյ­թի եւ կրթու­թեան բնա­գա­ւառ­նե­րուն մէջ եր­կու կող­մե­րու նպա­տա­կա­յին ծրա­գիր­նե­րու ի­րա­կա­նաց­ման՝ ա­նոնց մաս­նակ­ցե­լու հա­ւա­սար հնա­րա­ւո­րու­թիւն ա­պա­հո­վե­լով Հա­յաս­տա­նի եւ Ռու­սիոյ քա­ղա­քա­ցի հա­մալ­սա­րա­նա­կան ու­սում­նա­ռու­նե­րուն հա­մար: Հա­մա­ձայ­նա­գի­րի ստո­րագ­րու­մը պէտք է նպաս­տէ մար­դա­սի­րա­կան ո­լոր­տին մէջ եր­կու եր­կիր­նե­րու կա­պե­րու սեր­տաց­մա­նը», կը տե­ղե­կաց­նեն կա­ռա­վա­րու­թեան աղ­բիւր­նե­րը:

Հա­մալ­սա­րա­նի շրջա­նա­ւարտ­նե­րը պի­տի ստա­նան թէ՛ հայ­կա­կան եւ թէ՛ ռու­սա­կան պե­տա­կան նմոյ­շի վկա­յա­կան:

Գա­գաթ­նա­ժո­ղո­վի աշ­խա­տանք­նե­րուն ծի­րէն ներս, Հ.Հ. կրթու­թեան եւ գի­տու­թեան նա­խա­րա­րը տե­սակ­ցու­թիւն­ներ ու­նե­ցաւ Հո­լան­տա­յի, Ֆ­րան­սա­յի, Չե­խիոյ, Շո­ւէ­տի, Ռու­սիոյ, Ղրղ­զիս­տա­նի եւ այլ եր­կիր­նե­րու նա­խա­րար­նե­րուն հետ, ո­րոնց հետ զրու­ցե­ցին կրթա­կան եւ գի­տու­թեան ծի­րէն ներս զա­նա­զան կա­րե­ւոր հար­ցե­րու շուրջ։

Նիս­տը վա­րեց Հ.Հ. կրթու­թեան եւ գի­տու­թեան նա­խա­րար Ար­մէն Ա­շո­տեան:

Ֆո­րու­մի եզ­րա­փա­կիչ նիս­տին միա­ձայ­նու­թեամբ հաս­տա­տո­ւե­ցան Ե­րե­ւա­նեան Հռ­չա­կա­գի­րը եւ Պո­լո­նիո­յ Հռչակագրի գործարկման 4րդ քա­ղա­քա­կան Ֆո­րու­մին Հռ­չա­կա­գի­րը: Ա­ռա­ջին ան­գամ Ե.Բ.Կ.Տ. նա­խա­րա­րա­կան Հռ­չա­կա­գի­րով ամ­րագ­րո­ւե­ցաւ բախ­ման (կոնֆ­լիկ­տա­յին) տա­րածք­նե­րու ու­սա­նող­նե­րուն շար­ժու­նա­կու­թեան եւ կրթու­թեան ի­րա­ւուն­քի հար­ցը, որ շրջա­դար­ձա­յին սկզբունք է հա­մաեւ­րո­պա­կան կրթա­կան քա­ղա­քա­կա­նու­թեան ա­ռու­մով:

Ա. Ա­շո­տեան յայ­տա­րա­րեց, որ Ե­րե­ւա­նեան գա­գաթ­նա­ժո­ղո­վին Պո­լո­նիո­յ Հռչակագրի քար­տու­ղա­րու­թեան ղե­կա­վա­րու­թիւ­նը փո­խան­ցո­ւած է Ֆ­րան­սա­յին: