Մա­յիս 6ի յետ­միջօրէին, Ա­րե­ւե­լեան ­Միա­ցեալ ­Նա­հանգ­նե­րու Հ.Յ.Դ. ­Կեդ­րո­նա­կան ­Կո­մի­տէէն պա­տո­ւի­րա­կու­թիւն մը հան­դի­պե­ցաւ ­Հա­յաս­տա­նի նա­խա­գահ ­Սերժ ­Սարգ­սեա­նի հետ:

Հ.Յ.Դ. պա­տո­ւի­րա­կու­թիւ­նը կը գլխա­ւո­րէր Հ.Յ.Դ. ­Բիւ­րո­յի ան­դամ ­Խա­չիկ ­Մու­րա­տեան: ­Կեդ­րո­նա­կան ­Կո­մի­տէի ներ­կա­յա­ցու­ցիչ ­Հայկ Օ­շա­ կան եւ ­Յով­սէփ Ա­ւա­գեան, ի­րենց կող­քին ու­նե­նա­լով ­Հայ ­Դա­տի յանձ­նա­խում­բի ներ­կա­յա­ցու­ցիչ Ա­րամ ­Համ­բա­րեա­նը, գրե­թէ մէկ ժամ խորհր­դակ­ցե­ցան նա­խա­գա­հին հետ:

­Նա­խա­գահ ­Սարգ­սեա­նի կող­քին իր ի­ջե­ւա­նած պան­դո­կին մէջ կա­տարուած այս հան­դիպ­ման մաս կը կազ­մէին ար­տա­քին գոր­ծոց նա­խա­րար Է­դո­ւարդ ­Նալ­բան­դեան, Ո­ւա­շինկ­թը­նի մօտ Հ.Հ. դես­պան ­Տիգ­րան ­Սարգ­սեան եւ անձ­նա­կազ­մի ան­դամ ­Վի­գէն ­Սարգ­սեան:

­Հան­դիպ­ման ըն­թաց­քին ար­ծար­ծո­ւե­ցան զա­նա­զան նիւ­թեր, ո­րոնց կար­գին՝ ­Հա­յոց ­Ցե­ղաս­պա­նու­թեան հա­րիւ­րա­մեա­կը, ­Հա­յաս­տա­նի եւ ­Միա­ցեալ ­Նա­հանգ­նե­րու մի­ջեւ ա­ռեւ­տու­րի եւ ներդ­րում­նե­րու մա­սին հա­մա­ձայ­նա­գի­րը, սու­րիա­հա­յու­թեան ի­րա­վի­ճակն ու Ար­ցա­խի հիմ­նա­հար­ցը:

Այ­ցե­լու­թեան երկրորդ օ­րը, նա­խա­գահ ­Սարգսեան այ­ցե­լեց Ո­ւա­շինկ­թը­նի մէջ Ող­ջա­կի­զու­մի թան­գա­րա­նը, ­Միա­ցեալ ­Նա­հանգ­նե­րու ­Քոնկ­րե­սի գրա­դա­րա­նը, ուր ծա­նօ­թա­ցաւ գրա­դա­րա­նի հայ­կա­կան ցու­ցանմոյշ­նե­րուն:

Ո­ւա­շինկ­թը­նի մէջ նա­խա­տե­սո­ւած են նաեւ այլ հան­դի­պում­ներ՝ հայ­կա­կան կազ­մա­կեր­պու­թիւն­նե­րու ղե­կա­վար­նե­րուն եւ ­Միա­ցեալ ­Նա­հանգ­նե­րու հայ գա­ղու­թի ներ­կա­յա­ցու­ցիչ­նե­րուն հետ: