Պաշտպանութեան նախարար Սէյրան Օհանեան Նոյեմբեր 1ին ընդունած է Հայաստանի մէջ Յունաստանի արտակարգ եւ լիազօր դեսպան Իոաննիս Կորինթիոսը եւ նորանշանակ ռազմական կցորդ, գնդապետ Տովաս Բանակիոդիսը:
Սէյրան Օհանեան շնորհաւորած է ռազմական կցորդը‘ նոր պաշտօնի նշանակման առնչութեամբ եւ յոյս յայտնած, որ անոր պաշտօնավարումը նոր խթան պիտի հանդիսանայ երկկողմ ռազմական համագործակցութեան յետագայ զարգացման համար:
Հանդիպման ընթացքին քննարկուած են հայ-յունական ռազմական համագործակցութեան զարգացման հեռանկարները: