Կոմիտասի անուան կամերային երաժշտութեան տան մէջ կայացաւ վերջին հրաժեշտը Վահան Յովհաննիսեանին: Ներկայ եղան ՀՀ Նախագահ Սերժ Սարգսեանը, վարչապետ Յովիկ Աբրահամեանը, ԱԺ նախագահ Գալուստ Սահակեանը, արտաքին գործոց նախարար Էդվարդ Նալբանդեանը:
Ներկայ էին նաեւ հասարակական, քաղաքական, դաշնակցական, մշակոյթի ու արուեստի գործիչներ, պետական պաշտօնեաներ Հայաստանէն եւ Արցախէն, ԱԺ նախկին գումարումներու պատգամաւորներ, ԱԺ աշխատակազմի ներկայացուցիչներ, ընկերներ, մարտական ընկերներ, գործընկերներ, դասընկերներ, լրագրողներ, ինչպէս եւ Եւրոպայէն, ԱՄՆ-էն ու Լիբանանէն ժամանած սգակիրներ:
Հրաժեշտի խօսքերով հանդէս եկան ՀՀ արտաքին գործոց նախարար Էդվարդ Նալբանդեանը, ՀՅԴ Բիւրոյի ներկայացուցիչ ընկ. Հրանդ Մարգարեանը եւ Հ. Թումանեանի անուան Երեւանի Պետական Տիկնիկային թատրոնի տնօրէն Ռուբեն Բաբայեանը:
Վահանը թաղուեցաւ իր հօր՝ ՀՅԴ Բիւրոյի նախկին անդամ, քաղաքական գործիչ, հրապարակախօս եւ ականաւոր մտաւորական Էդուարդ Յովհաննիսեանի կողքին: