Լեռնային Ղարաբաղի Հանրապետութեան Պաշտպանութեան Բանակի տուեալներով, Հոկտեմբեր 12-18, Ղարաբաղ-Ատրպէյճան սահմանագիծի տարբեր կէտերու վրայ հակառակորդը հրադադարը խախտած է 550 անգամ, որուն ընթացքին տարբեր տրամաչափի հրաձգային զինատեսակներէ, հայ դիրքապահներու ուղղութեամբ արձակուած է աւելի քան 5000 կրակոց:

Հոկտեմբերի 13-ին՝ ժամը 16:15-ին, հարաւային սահմանի ուղղութեամբ տեղակայուած զօրամասերէն մէկուն մէջ, հակառակորդի կողմէ արձակուած անկանոն կրակահերթին պատճառով, ծունկէն վիրաւորուած հայ զինուոր մը՝ 1995-ի ծնունդ Յովհաննէս Թադևոսեանը:
Վերջին օրերուն, հակառակորդը հրադադարի խախտման դէպքերը քառապատկած է:
Տարեսկիզբէն ի վեր ատրպէյճանական կողմը արձանագրած է հրադադարի խախտման 18 հազար դէպք. 2013-ին այդ թիւը 13 հազար էր:

Արցախեան Պատերազմէն Ետք 4000է Աւելի
Անյայտ Կորսուած Կայ

Լեռնային Ղարաբաղի հակամարտութեան իբրեւ հետեւանք ներկայիս պաշտօնապէս կան 4000է աւելի անյայտ կորսուածներ, մօտ 800ը ունին Հայաստանի եւ Լեռնային Ղարաբաղի պաշտօնական արձանագրութիւն: Այս մասին 15 Հոկտեմբերին լրագրողներուն յայտնած է Կարմիր Խաչի միջազգային կոմիտէի Հայաստանի պատուիրակութեան հաղորդակցման ծրագիրի ղեկավար Զառա Ամատունին:
Ան նշած է, որ այդ մարդոց ընտանիքներուն, հարազատներուն տեղեկութիւն ստանալու իրաւունքը ոտնահարուած է, անոնցմէ շատեր տարիներէ ի վեր կ՛ապրին անորոշութեան մէջ՝ առանց իմանալու, թէ ո՛ւր է իրենց հարազատը: «Այս ընտանիքների հետ տարւում են սոցիալ-հոգեբանական աշխատանքներ, նաեւ օգնութիւն է տրամադրւում առողջութեան վերականգնման հարցերում: Մշակուել է ծրագիր, որի շրջանակներում անտոկոս վարկեր կարող են վերցրել: Մէկ ընտանիքի տուն է վերանորոգուել: Անյայտ կորած անձի հարազատներից մէկը նոյնիսկ փոքրիկ ջերմոց է սկսել աշխատեցնել: Ներկայումս սկսել են ԴՆԹ տուեալների բազա ստեղծել, որպէսզի հետագայում, երբ գտնուի անյայտ կորածը կա՛մ նրա դին, հնարաւոր լինի նոյնականացնել անձին եւ կապ հաստատել հարազատների հետ», յայտնած է :
Ամատունի յայտնած է, որ ներկայիս պաշտօնապէս Ատրպէյճանի մէջ հայ ռազմագերի չկայ, կայ միայն 5 հոգինոց հայ ընտանիք մը:
«ԿԽՄԿն գործում է Ժընեւեան կոնվենցիայի սահմաններում, արւում է ամէն ինչ, որպէսզի գերութեան մէջ գտնուող անձը կապ ունենայ ընտանիքի հետ, վերահսկւում են նրա գտնուելու եւ պահուելու պայմանները եւ այլն», տեղեկացուցած է Ամատունի։
Անդրադառնալով լրագրողներու այն դիտարկման, թէ գերի ինկածները հայրենադարձուելէ ետք առողջական խնդիրներ կ՛ունենան, կը խօսին նաեւ իրենց հանդէպ բռնութիւններու մասին՝ Զ. Ամատունին յստակ պատասխան չէ տուած, այլ յայտնած է, որ ամէն ինչ ուղիղ կերպով տեսնել եւ պատկերացնել հնարաւոր չէ: «Բազմաթիւ բանակցութիւններ են լինում, որոնք գլխաւորապէս գաղտնի են, եւ չենք կարող ամէն ինչ հրապարակել», դիտել տուած է ան: