Մոնսերա Քապայէն կրկին Արցախ կը գտնուի: Yerkir.am-ի հետ զրուցելով ԼՂՀ մշակոյթի եւ երիտասարդութեան հարցերու նախարարի օգնական Արեւիկ Յովսէփեանը նշեց, որ Քապայէ Արցախ ժամանած է իր աղջկայ, իր խումբի երգիչներու եւ այլ մասնակիցներու հետ:
«Այսօր Ստեփանակերտի Սայաթ-Նովայի անուան երաժշտական քոլեջում բացուեց Քապայէի անուան դասասենեակ, որից յետոյ Քապայէ վարպետութեան դասով հանդէս եկաւ արցախցի երիտասարդ օպերային երգիչների հետ: Ի դէպ, Քապայէ նշեց, որ պատրաստ է ամէն կերպ աջակցել երաժշտական քոլեջի զարգացմանը, ինչպէս նաեւ ասաց, որ իր համար, իրոք, երջանկութիւն է եւս մէկ անգամ լինել Ղարաբաղում»,- ըսաւ Յովսէփեանը:
Քապայէն երէկ հանդիպում ունեցաւ ԼՂՀ նախագահ Բակօ Սահակեանի հետ: Ան անակնկալ մը պատրաստած է արցախցիներուն համար, որուն կ'անդրադառնանք հետագային:Յիշեցնենք, որ 2013-ի Յունիսին աշխարհահռչակ սոփրանոն համերգով հանդէս եկած էր Հայաստանի մէջ ու այցելած էր Արցախ, որու հետեւանքով ան ներգաւուած էր Ատրպէյճանի «սեւ ցուցակին» մէջ: