Հայկական կողմը պատրաստակամութիւն յայտնած է Հայաստանի նախագահ Սերժ Սարգսեանի՝ Սոչի կատարելիք այցելութեան ծիրէն ներս մասնակցիլ նաեւ եռակողմ հանդիպման՝ Ռուսաստանի եւ Ատրպէյճանի նախագահներուն հետ:
Հայաստանի նախագահ Սերժ Սարգսեան այսօր Սոչի կը մեկնի աշխատանքային այցելութեամբ: Վաղը, Օգոստոս 9-ին նախատեսուած է Սերժ Սարգսեանի հանդիպումը Ռուսաստանի նախագահ Վլատիմիր Փութինի հետ:
«Հայկական կողմը պատրաստակամութիւն յայտնած է մասնակցելու եռակողմ հանդիպման, քննարկելու համար ղարաբաղեան հակամարտութեան խաղաղ կարգաւորման խնդիրները, ինչպէս նաեւ վերջին օրերին Ատրպէյճանի կողմից հրահրած լարման արդիւնքում ստեղծուած իրավիճակը: Համոզուած ըլլալով, որ ղարաբաղեան հակամարտութեան արդար եւ խաղաղ կարգաւորումը այլընտրանք չունի՝ հայկական կողմը մշտապէս կողմ է արտայայտուել բարձր մակարդակի հանդիպումների անցկացմանը» աւելցուած է հաղորդագրութեան մէջ: