Համազգայինի Ուսանողական Հաւաքին Մասնակցողները
Այցելեցին Ծիծեռնակաբերդ Եւ Եռաբլուր

Համազգայինի ուսանողական հաւաքը կը շարունակէ իր աշխատանքները: Մասնակցից Համազգայնականները յարգանքով խոնարհեցան հայոց Մեծ Եղեռնի նահատակներու յիշատակին առջեւ, երբ այցելեցին Հայոց ցեղասպանութեան թանգարան-հիմնարկ, Ծիծեռնակաբերդ եւ Եռաբլուր:

Կէսօրէ ետք ֆորումականները այցելեցին «Կրանտ Սփորթ»-ի մարզադաշտը եւ պասքեթպոլ խաղացին տեղական խումբի մը դէմ:
Երեկոյեան, խումբ մը ֆորումականներ ուղղուեցան դէպի Քասքատ եւ մասնակցեցան «Կարին» ազգագրական աւանդական երգի-պարի խումբի ժողովրդային հաւաքին, ուր սորվեցան հայկական աւանդական պարեր:
Աւելի ուշ, ֆորումականները վայելեցին Երեւանի գիշերային կեանքը եւ երգ ու պարով ճոխացուցին երեկոն:
Շաբաթ, 26 յուլիսին, Համազգայինի ուսանողական հաւաքին մասնակցողները այցելեցին Օշականի Ս. Մեսրոպ Մաշտոց եկեղեցին, ուր դոկտ. Հրանդ Մարգարեան դասախօսեց հայ գիրերու գիւտին մասին:
Ապա, ֆորումականները այցելեցին Աշտարակի Կարմրաւոր եկեղեցին:
Ճաշի դադարէն ետք, խումբը ուղղուեցաւ վերնիսաժ‘ զանազան տեսակի գնումներ կատարելու համար: Երեկոյեան, ֆորումականները ներկայ գտնուեցաւ Լիզպոնի հինգ տղոց յիշատակին նուիրուած ձեռնարկին, որմէ ետք պանդոկին մէջ տեղի ունեցաւ մտերմիկ մթնոլորտով ընթրիք մը:
Նախապէս, ֆորումականները հերթաբար այցելեցին Սուրբ Հռիփսիմէ եկեղեցի, Էջմիածնի Մայր տաճար եւ թանգարան, Գայեանէ եկեղեցի եւ Զուարթնոցի տաճար:
Ճաշի դադարէն ետք, տեղի ունեցաւ շատ հետաքրքրական եւ շահեկան դասախօսութիւն-զրոյց մը, «Ո՞վ է հայը» թեմայով: Փրոֆեսորներ Հրանդ Մարգարեան եւ Քլոտ Մութաֆեան ներկայացուցին բացատրողական մը ինքնութեան մասին, ինչպէս նաեւ խօսեցան այն դէպքերուն մասին որոնք ձեւաւորած են հայ ազգի ինքնութիւնը: փրոֆ. Քլոտ Մութաֆեան դասախօսեց «Կիլիկեան Հայաստան. Պետական արտագաղթ մը» նիւթը: Ան անդրադարձաւ Կիլիկիոյ հայկական թագաւորութեան ձեւաւորման, զարգացման եւ անկման պատմութեան, ինչպէս նաեւ խօսեցաւ 13-րդ եւ 14-րդ դարերու ընթացքին յառաջացած արտագաղթի մասին:
Դասախօսութենէն ետք, ֆորումականները այցելեցին Դիլիջան եւ Պարզ լիճ, ուր ճաշեցին, երգեցին ու պարեցին եւ նաւակներով շրջեցան լիճին մէջ: Ապա, անոնք այցելեցին Հաղարծին վանքը, որմէ ետք օրուան վերջին կանգառն էր Սեւանայ լիճը:
Երեկոյեան ֆորումականները շրջեցան Երեւանի մէջ եւ սեղանի մը շուրջ նստելով խօսակցեցան օրուան պտոյտներուն վերաբերեալ իրենց ունեցած տպաւորութիւններուն մասին:
ԿԷսօրէ ետք տեղի ունեցաւ խմբային աշխատանք, եւ ֆորումականները աշխատեցան բաժնուած հինգ խմբակներու՝ երաժշտութիւն, պար, թատրոն, լրատու եւ կայքէջ:

Լիլիթ Գալստեան. «Հայրենաճանաչ ծրագիր ենք իրականացնում»

Համազգայինի քսաներորդ ուսանողական-մշակութային համախմբումը, այս տարի Հայաստան բերաւ 9 երկիրներէ ժամանած հայ համալսարանականներ:
Aravot.am-ի հետ զրոյցին ընթացքին Համազգայինի Հայաստանի նախագահ Լիլիթ Գալըստեանը յայտնեց. «Այդ 17 oրերին երիտասարդները հնարաւորութիւն կÿունենան ճանաչել հայրենիքը: Նրանց առիթ ենք տալու այս օրերին լսել համազգային թեմաներով մի շարք դասախօսութիւններ, որոնք վերաբերում են մեր մշակութային ժառանգութեանը, ինքնութեան խնդիրներին, խնդիրներ, որոնք անկախ աշխարհագրութիւնից՝ ընդհանրական են ցանկացած հայ երիտասարդի համար: Այդ երիտասարդները, որպէս որեւէ երկրի կայացած քաղաքացիներ, վաղը յանձնառութիւններ են ունենալու հայկական համայնքների կազմակերպման գործում, ղեկավար դերակատարութիւն են ստանձնելու ՝ խմբագրի, ուսուցչի, դպրոցի տնօրէնի, կառոյցի ղեկավարի… Այսինքն մենք սերունդ ենք կըրթում ազգային յանձնառութիւնով եւ, ինչու չէ, նաեւ մտածում, որ այս երիտասարդներից շատերը համալսարանական լաւ կրթութիւն ստանալուց յետոյ պիտի մի օր վերադառնան Հայաստան ու իրենց մասնակցութիւնը բերեն մեր հայրենիքի կայացմանը»:
Լ.Գալստեանի ձեւակերպմամբ, այն որ այս տարի բոլորում են իրենց ծրագրի քսանամեակը, կը փաստէ, որ հասած են նպատակին, եւ ծրագիրն ալ փնտրուած ու սպասուած է: «Համազգայինը համապատասխան վերլուծութիւն է իրականացրել, ըստ որի, շատերը, որոնք Համազգայինի ֆորումի ծրագրերի շրջանակներում եր- բեւէ եկել են Հայաստան, յետոյ նորից վերադառնում են, հաստատւում Հայաստանում, ընտանիք կազմում»:
Լիլիթ Գալստեան կը յստակացնէ թէ Համազգայինը հայրենաճանաչ ծրագիր կÿիրագործէ Ֆորումի կազմակերպումով, որ ուղղուած է երիտասարդներու արմատներու զօրացման եւ ազգային պատասխանատւութեան զարգացման:
Իրենց բազմաթիւ հանդիպումներու շարքին, արդէն Ֆորումականները մի քանի հան-դիպումները աւանդական դարձած են: Այսպիսին են՝ Երեւանի պետական համալսարան այցելութիւնը եւ ԵՊՀ ռեկտոր Արամ Սիմոնեանի ընդունելութեան մասնակցութիւնը: «Շատ կարեւոր է եւ զգացականութիւն կայ իր մէջ, որովհետեւ Երեւանի պետական համալսարանի եւ Համազգայինի ակունքներում Նիկոլ Աղբալեանն է: 1919-ին որպես նախարար Աղբալեանը հիմնադրել է համալսարանը, 1928-ին՝ Համազգայինը» կÿըսէ Լիլիթ Գալստեանը: