Գիտութիւններու Ազգային Ակադեմիոյ պատմութեան ինստիտուտի Հայկական հարցի եւ Հայոց Ցեղասպանութեան պատմութեան բաժնի վարիչ Արմէն Մարուքեանը շուրջ 7 տարի ուսումնասիրած է Հայոց ցեղասպանութեան հետեւանքներու յաղթահարման եւ հատուցմանն առնչվող պատմական
փաստերը, համադրելով անոնք միջազգային իրաւական նորմերու ու սկզբունքներուն հետ: Գիտնականը ուսումնասիրած է Ցեղասպանութենէն առաջ ու յետոյ գործող միջազգային իրաւական համակարգերը, ինչ որ կարեւոր է հասկնալու համար, թէ կատարւած իրադարձութիւնները ո՞ր յատկանիշներով յանցագործութիւն կը կազմեն, նոյնիսկ անկախ ցեղասպանութիւն եզրոյթի առկայութեամբ: Իր հետազօտութիւններուն մէջ հեղինակը արծարծած է պահանջատիրութեան ճանապարհին առկայ խոչընդոտները, ինչպէս եւ անոնց յաղթահարման ուղիներն ու հնարաւորութիւնները, հիմնուելով պատմական փաստերու ու միջազգային իրաւական սկզբունքներուն վրայ:
Արմէն Մարուքեան յառաջ մղած է նաեւ շարք մը հայեցակարգային նոր առաջարկներ ու մօտեցումներ: Մասնաւորապէս, հեղինակը կÿընդգծէ թէ տուեալ հարցը այսօր վերաձեւակերպման կարիք ունի՝ Մեծ Եղեռնի միջազգային ճանաչումով եւ անոր հետեւանքներու յաղթահարումով, որը անպայման կը նախատեսէ հատուցում եւ պահանջատիրութիւն, քանի որ առկայ են բոլոր պատմա- իրաւական հիմքերը հարցի լուծումը իրաւական դաշտ տեղափոխելու համար:
Գիրքը խմբագրած է ԳԱԱ Պատմութեան ինստիտուտի տնօրէն Աշոտ Մելքոնեանը: Ցեղասպանոութեան հարցի վերաբերեալ շատ գիրքեր հրատարակուած են անշուշտ, բայց Մարուքեանի գիրքը ունի հարցի լուծման նոր մօտեցումներ ու նոր առաջարկներ: Ինստիտուտի տնօրէնը կը հաւատայ թէ ցեղասպանութեան ճանաչման գործընթացը արդիւնաւէտ կÿըլլայ պահանջատիրութեան հարցի արծարծումով:
Գիրքը չի վաճառուիր, այլ կը տարածուի սփիւռքի եւ Հայաստանի մէջ ու կը տրամադրուի ուսանողներուն, պատմաբաններուն ու ցեղասպանագէտներուն:
Գիրքը լոյս տեսած է հայերէնով, բայց ունի ընդարձակ ռուսերէն վերջաբան: