Ստեփանակերտի օդանաւակայանը իր տեսակին մէջ բացառիկ կառուցուածք ունի: Գլխաւոր աշտարակը արտաքին տեսքով կը նմանի թեւերը տարածած արծիւի:

Օդակայանի ճարտարապետը Տիգրան Բարսեղեան կ'ըսէ թէ « Օդակայանին մէջ տեղադրուած են քաղաքացիական թռիչքներու համար անհրաժեշտ բոլոր ժամանանակից արդիական համակարգիչներն ու սարքաւորումները»:

ԼՂՀ օդային դարպասը Ստեփանակերտէն 10 քիլոմեթր հեռաւորութեան վրայ է: Ստեփանակերտի օդակայանը կառուցուած է 1974 թուականին: Արցախեան ազատամարտի սկիզբը ծառայած է ռազմական նպատակով։ 2008 սկսած է օդակայանի նոր մասնաշէնքի կառուցումը: Թռիչքուղիի երկարութիւնը 2 քիլոմեթր 300 մեթր է, լայնութիւնը՝ 20 մեթր: