Ձօն  Հայաստանի  անկախութեան  21-րդ  ամեակին

Իմ հայրենիքը
Միակ օրրանս է,
Արեանս բոսորն ու հոգուս աղօթքն է
Անցեալի վէրքը,
Ներկայ պարծանքը,
Իմ ճակատագրի փրկուած էջն է...

Իմ հայրենիքը
Օրհնուած տաճար է
Յոյսերի ակունք, ճախրող տենչանք է,
Յոյզ ու կարօտս,
Երգիս ղօղանջը,
Բիւտ անուրջներիս վեհ հանգրուանն է...

Իմ հայրենիքը
Բացուող սուրբ օրս է
Մեր եռագոյնի խրոխտ ծփանքն է
Սրտիս թրթիռը,
Բազուկիս ուժը,
Իմ լոյս գալիքը, յաւերժութիւնն է...

Աւիկ Դերենց
Բոստոն