­Այ­լեւս խորհր­դա­յին բար­քե­րէն ամ­բող­ջո­վին ա­զա­տագ­րո­ւած՝ Հա­յաս­տա­նի ան­կախ Հան­րա­պե­տու­թեան ա­զատ քա­ղա­քա­ցի­նե­րու սե­րունդ ու­նինք:

Սե­րունդ, որ իր վար­քով, պա­տաս­խա­նա­տո­ւու­թեան իր գի­տակ­ցու­թեամբ, իր ող­ջա­խո­հու­թեամբ, իր շրջա­հա­յե­ցու­թեամբ, բայց եւ իր պայ­ծա­ռա­տե­սու­թեամբ՝ յոյս կը ներշն­չէ բո­լո­րիս, ա­մէ­նէն ա­ռաջ՝ յու­սա­հա­տու­թեան դու­ռը հա­սած հայ­րե­նի ժո­ղո­վուր­դին:

Այս սե­րուն­դը կազ­մո­ւած է սահ­ման պաշտ­պա­նած, բա­նակ ծա­ռա­յած ե­րի­տա­սարդ­նե­րով, ո­րուն հայ­րե­նա­սի­րու­թիւ­նը կաս­կա­ծի տակ կա­րե­լի չէ առ­նել, ո­րուն հայ­րե­նի հո­ղին փա­րած մնա­լու վճռա­կա­նու­թիւ­նը անքն­նե­լի է:

Այս սե­րուն­դը ան­կաշ­կանդ է եւ պատ­րաստ՝ դի­մա­կա­յե­լու իշ­խա­նա­կան ա­մէն տե­սա­կի լծակ­նե­րու ճնշում­նե­րը:

Այս սե­րուն­դը ո­րո­շած է տէր կանգ­նիլ իր ի­րա­ւունք­նե­րուն եւ պատ­րաստ է ան­զի­ջող պայ­քար տա­նե­լու այդ ի­րա­ւունք­նե­րու պաշտ­պա­նու­թեան ի խնդիր:

Այս սե­րուն­դը իր ա­ռողջ բնազ­դով կը ղե­կա­վա­րո­ւի, բա­ցա­ռե­լով սխալ­նե­րը, բա­ցա­ռե­լով մի­ջամ­տու­թիւն­նե­րը, ձա­խո­ղեց­նե­լով մութ թէ յայտ­նի ու­ժե­րու սադ­րանք­նե­րը:

Այս սե­րուն­դը լաւ սեր­տած է ան­կա­խու­թեան շրջա­նի քա­ղա­քա­կան պատ­մու­թիւ­նը եւ խո­րա­պէս հասկը­ցած հա­մա­կար­գա­յին իշ­խա­նա­փո­խու­թիւ­նը ձա­խո­ղեց­նող բո­լոր խա­ղե­րը, հնա­րամ­տու­թիւն­նե­րը, հա­սա­րա­կա­կան գոր­ծիչ­ներ վար­կա­բե­կե­լու, ա­հա­բե­կե­լու, նսե­մաց­նե­լու իշ­խա­նա­կան ար­հես­տա­գի­տու­թիւ­նը:

Այս սե­րուն­դը բո­լո­րիս յար­գանք կը պար­տադ­րէ՝ զո­հա­բե­րու­թեան իր պատ­րաս­տա­կա­մու­թեամբ:

Այս սե­րուն­դը իր հա­րա­զատ­նե­րուն, իր շրջա­պա­տի մար­դոց ար­ժա­նա­պա­տո­ւու­թիւ­նը վե­րա­կանգ­նե­լու, ա­նոնց մէ­ջէն ստրկաց­ման տա­նող ճնշո­ւա­ծու­թիւ­նը ար­մա­տա­խիլ ը­նե­լու, ա­զա­տու­թեան տեն­չը բո­ցա­վա­ռե­լու ա­ռա­քե­լու­թեան լծո­ւած է:

Այս սե­րուն­դը մեր հայ­րե­նի­քը ի­րեն ար­ժա­նի բար­ձուն­քին հասց­նե­լու տե­սիլք ու­նի եւ այդ տե­սիլ­քը կեն­սա­գոր­ծե­լու ճա­նա­պար­հը բռնած է:

Այս սե­րուն­դը իր բաց գոր­ծե­լա­կեր­պով բո­լո­րիս ժո­ղովր­դա­վա­րու­թեան դա­սեր կրնայ տալ:

Այս սե­րուն­դը հա­ւա­քա­կան ղե­կա­վա­րու­թեան իւ­րօ­րի­նակ բա­նա­ձե­ւը գտած է. ղե­կա­վա­րու­թիւն մը, որ բնա­կա­նա­բար ե­կաւ պար­տադ­րե­լու ինք­զինք, պար­տադ­րե­լու իշ­խա­նա­կան իր խօ­սա­կից­նե­րուն, իսկ լայն հան­րու­թեան՝ վստա­հու­թիւն ներշն­չեց:

Բո­լո­րիս պարտքն է գուր­գու­րալ այս սե­րուն­դին, թի­կունք կանգ­նիլ ա­նոր, պաշտ­պա­նել զայն ուղ­ղա­կի կամ ա­նուղ­ղա­կի հա­րո­ւած­նե­րէ, թե­ւա­ւո­րել ա­նոնց յա­ռաջ­խա­ղաց­քը:

Պաշտ­պա­նել ու գուր­գու­րալ այս փա­ռա­ւոր սե­րուն­դին, որ վեր­ջա­պէս ար­դա­րու­թեան հաս­նե­լու հայ­րե­նա­կան ձգտու­մին խորհր­դա­նիշ դար­ձած է:

Ա­բօ Պո­ղի­կեան - «Աս­պա­րէզ»