Հայոց Մեծ Եղեռնին նուիրուած գիրքերու շարքը համալրուեցաւ նոր հրատարակութեամբ մը՝ «Հայոց ցեղասպանութիւնը օսմանեան Թուրքիայում:
Վերապրածների վկայութիւններ»: Այս խորագրով փաստաթուղթերու եռահատոր ժողովածուին մէջ ներկայացուած են Ցեղասպանութիւնը վերապրածներու վկայութիւնները, ուր փաստացի կերպով բացայայտուած են թրքական իշխանութիւններուն կողմէ 1915 թուականին հայերու ոչնչացման ուղղուած ծրագրերը:
«Եղեռնի 100-ամեայ տարելիցին նուիրուած միջոցառումներու ծիրէն ներս, սա կարելի է համարել առաջինը»,- նշած է եռահատորեակի համահեղինակ, Հայաստանի ազգային արխիւի տնօրէն Ամատունի Վիրաբեանը:
Երեք հատորներուն մէջ օգտագործուած են ազգային արխիւի, Ցեղասպանութեան թանգարան-ինստիտուտի եւ հայկական ճարտարապետութիւնը ուսումնասիրող հիմնադրամի մօտ պահուող բացառիկ լուսանկարները:
Յառաջիկային կը նախատեսուի եռահատորը թարգմանել ռուսերէն, անգլերէն եւ թրքերէն լեզուներով, նաեւ՝ ստեղծել Ցեղասպանութեան զոհերու վերաբերեալ արխիւային փաստաթուղթերու եւ նիւթերու ելեկտրոնային շտեմարան: