Թուր­քիոյ հայ հա­մայն­քի հա­մար 2016 թո­ւա­կա­նի գլխա­ւոր խնդի­րը կը շա­րու­նա­կէ մնալ Հա­յոց Պատ­րիար­քի եւ հա­մայն­քա­յին հաս­տա­տու­թիւն­նե­րու վար­չու­թեանց ընտ­րու­թեան հար­ցը: Այս մա­սին «Ար­մէնփ­րես»ին յայտ­նած է Պոլ­սոյ հայ­կա­կան «Ա­կօս» թեր­թի հա­յե­րէն բաժ­նի պա­տաս­խա­նա­տու խմբա­գիր Բագ­րատ Էս­տու­կեան:

«Այդ ընտ­րու­թիւն­նե­րը կար­գա­ւո­րող կա­նո­նադ­րու­թիւ­նը կը բա­ցա­կա­յի, հե­տե­ւա­բար ար­դէն քա­նի տա­րի է, որ չենք կրնար ընտ­րու­թիւն ի­րա­կա­նաց­նել: Պատ­րիար­քի ընտ­րու­թեան հետ կա­պո­ւած նոյն­պէս խո­չըն­դոտ­ներ կան: Նոր Պատ­րիարք պէտք է ընտ­րենք, բայց կար­գադ­րու­թիւն­նե­րը ձեռն­տու չեն: Ա­հա ա­սոնք են գլխա­ւոր խնդիր­նե­րը»,- ը­սած է Բագ­րատ Էս­տու­կեան:

Ա­նոր խօս­քով՝ օ­րեր ա­ռաջ այդ հար­ցե­րուն հետ կա­պո­ւած ընդ­հա­նուր ժո­ղով կազ­մա­կեր­պո­ւած էր: Կը մաս­նակ­ցէին հայ հա­մայն­քի բո­լոր հաս­տա­տու­թեանց ներ­կա­յա­ցու­ցիչ­նե­րը: Ժո­ղո­վին հնչած է այն կար­ծի­քը, թէ յոյս չկայ, որ մին­չեւ 2017 թո­ւա­կան հնա­րա­ւոր ըլ­լայ ընտ­րու­թիւն կազ­մա­կեր­պե­լու: Ա­տի­կա կը վե­րա­բե­րի ե՛ւ պատ­րիար­քի, ե՛ւ վար­չու­թիւն­նե­րու ընտ­րու­թեան:

Ըստ Բագ­րատ Էս­տու­կեա­նի` ա­սի­կա ի­րա­կա­նու­թեան մօտ կար­ծիք է: Պատ­ճա­ռը այն է, որ հայ հա­մայն­քին մէջ չեն կրնար այդ հար­ցե­րուն շուրջ ընդ­հա­նուր եզ­րա­կա­ցու­թեան գալ: Ըստ ա­նոր` այս գոր­ծըն­թա­ցը հայ­կա­կան հա­մայն­քի քայ­քայ­ման պատ­ճառ կը դառ­նայ: «­Պոլ­սա­հա­յու­թիւ­նը բա­ւա­կան կազ­մա­կեր­պո­ւած հա­մայնք ե­ղած է 10 տա­րի ա­ռաջ: Վեր­ջին տա­րի­նե­րուն այս ա­նո­րո­շու­թիւն­նե­րը հա­մայն­քի հա­մա­կար­գը կը խան­գա­րեն, նոյ­նիսկ այս ի­րա­վի­ճա­կը ան­դամ­նե­րուն մօտ յու­սալ­քու­թիւն, հիաս­թա­փու­թիւն կ­՛ա­ռա­ջաց­նեն: Ա­տի­կա վատ հե­տե­ւանք­ներ կրնայ ու­նե­նալ»,- ը­սած է «Ա­կօս»ի խմբա­գի­րը:

Ընտ­րու­թեանց վե­րա­բե­րեալ հար­ցե­րուն զու­գա­հեռ՝ Թուր­քիոյ հայ հա­մայն­քին հա­մար տնտե­սա­կան լուրջ խնդիր­ներ ալ կան: Բագ­րատ Էս­տու­կեա­նի փո­խանց­մամբ՝ դպրոց­նե­րը տնտե­սա­ւոր­ման դժո­ւա­րու­թիւն­ներ ու­նին, մաս­նա­ւո­րա­պէս՝ ծախ­սե­րը ա­ւել­ցած են: «Տն­տե­սա­ւոր­ման մի­ջոց­նե­րու ելքն ու մուտ­քը հնա­րա­ւոր չէ հա­ւա­սա­րակշ­ռել: Սո­վո­րա­բար ա­մէն տա­րի այս շրջա­նին տնտե­սա­կան ա­ռու­մով ճգնա­ժամ կ­՛ու­նե­նանք, բայց բա­րե­գոր­ծա­կան մի­ջոց­նե­րով, նո­ւի­րա­տո­ւու­թիւն­նե­րով կը փոր­ձենք մուտ­քերն ու ել­քե­րը հա­ւա­սա­րակշ­ռել: Այս տա­րի ո­րոշ դժո­ւա­րու­թիւն­ներ կան: Մեր յոյ­սը հայ­կա­կան հա­մայն­քի մի­ջոց­նե­րով ի­րա­վի­ճա­կը շտկելն է»,- ա­ւել­ցու­ցած է Բագ­րատ Էս­տու­կեան:

Անդ­րա­դառ­նա­լով հայ­կա­կան հա­մայն­քի անվ­տան­գու­թեան խնդրին` ան նշած է, որ Պոլ­սոյ մէջ այդ­պի­սի խնդիր ա­ռայժմ չկայ, հոս ե­կե­ղե­ցի­նե­րուն հա­մար սպառ­նա­լիք չկայ: Միայն Տիգ­րա­նա­կեր­տի Սուրբ Կի­րա­կոս ե­կե­ղե­ցին նման վտան­գի տակ է, ո­րով­հե­տեւ պա­տե­րազ­մա­կան գօ­տիի մէջ կը գտնո­ւի: «Ո՛չ հայ հա­սա­րա­կու­թեան, ո՛չ ալ հայ­կա­կան հաս­տա­տու­թիւն­նե­րուն հա­մար լուրջ սպառ­նա­լիք­ներ կան»,- եզ­րա­փա­կած է «Ա­կօս» թեր­թի հա­յե­րէն է­ջի խմբա­գի­րը: