Կ. Պոլ­սոյ Հա­յոց Պատ­րիար­քի փո­խա­նորդ Ա­րամ Արք. Ա­թէ­շեան անդ­րա­դար­ձած է Վա­նի Աղ­թա­մար կղզիին վրայ գտնո­ւող Սուրբ Խաչ հայ­կա­կան ե­կե­ղեց­ւոյ մէջ Պա­տա­րագ­նե­րը ա­ւելցնե­լու վե­րա­բե­րեալ Թուր­քիոյ մշա­կոյ­թի եւ զբօ­սաշր­ջու­թեան նա­խա­րա­րու­թեան ո­րոշ­ման,- կը գրէ Ermenihaber.am:

Ա­թէ­շեան ը­սած է, որ Սուրբ Խաչ ե­կե­ղեց­ւոյ մէջ Պա­տա­րագ­նե­րու քա­նա­կին յա­ւե­լա­ցու­մը ի­րենց հա­մար կա­րե­ւո­րու­թիւն չի ներ­կա­յաց­ներ: Ըստ Ա­թէ­շեա­նի` առ այժմ կրնան տա­րին ըն­դա­մէ­նը մէկ ան­գամ Պա­տա­րագ մա­տու­ցա­նել: Պատ­րիար­քի փո­խա­նոր­դը այս հան­գա­ման­քը բա­ցատ­րած է Պա­տա­րա­գի մաս­նա­կից­նե­րու քա­նա­կի նո­ւազ­մամբ եւ տա­րա­ծաշր­ջա­նին մէջ տի­րող ի­րա­վի­ճա­կով` յի­շեց­նե­լով, որ 2015 թո­ւա­կա­նի Սեպ­տեմ­բե­րին նա­խա­տե­սո­ւած Պա­տա­րա­գը, շրջա­նին մէջ տե­ղի ու­նե­ցող զի­նեալ բա­խում­նե­րու հե­տե­ւան­քով, չկրցան ի­րա­կա­նաց­նել:

Անդ­րա­դառ­նա­լով Սուրբ Խա­չի մէջ Պա­տա­րագ­նե­րը ա­ւելց­նե­լու ո­րոշ­ման` Ա­թէ­շեան ը­սած է.- «Ա­ռանց այդ ալ Պա­տա­րա­գի մաս­նա­կից­նե­րը տա­րին 1 ան­գամ կրնան գալ: Նա­խորդ տա­րի­նե­րուն 1000է ա­ւե­լի մաս­նա­կից­նե­րու թի­ւը նո­ւա­զած է` հաս­նե­լով մօտ 500ի: Այս ո­րո­շու­մը մե­զի հա­մար ո­րե­ւէ փո­փո­խու­թիւն չի բե­րեր եւ պար­տա­դիր բնոյթ չու­նի: Սա­կայն, ե­թէ ար­տերկ­րէն ինչ-որ խում­բեր գան եւ մե­զի դի­մեն Պա­տա­րա­գի ի­րա­կա­նաց­ման հա­մար, այդ ժա­մա­նակ մենք կրնանք օգ­տո­ւիլ մեր այս ի­րա­ւուն­քէն: Այ­նո­ւա­մե­նայ­նիւ, մենք ա­մէն տա­րի Սեպ­տեմ­բե­րի 2րդ շաբ­թո­ւան մէջ Պա­տա­րագ պի­տի մա­տու­ցա­նենք»: Յի­շեց­նենք, որ Թուր­քիոյ կա­ռա­վա­րու­թիւ­նը կը մշա­կէ «բա­րե­փո­խում­նե­րու ծրար», ուր տեղ գտած են Թուր­քիոյ ազ­գա­յին փոք­րա­մաս­նու­թիւն­նե­րուն ուղ­ղո­ւած ո­րոշ զի­ջում­ներ:

Մաս­նա­ւո­րա­պէս Վա­նի Աղ­թա­մար կղզիին մէջ գտնո­ւող Սուրբ Խաչ հայ­կա­կան ե­կե­ղեց­ւոյ մէջ Պա­տա­րագ­նե­րը, այ­սու­հե­տեւ, կրնան մա­տու­ցա­նո­ւիլ ոչ թէ տա­րին մէկ ան­գամ, այլ` ըստ անհրա­ժեշ­տու­թեան, ո­րե­ւէ ա­տեն: