­Տեր­սի­մի ­Վանք գիւ­ղի հա­յե­րու 1938 թո­ւա­կա­նի կո­տո­րած­նե­րուն մա­սին վա­ւե­րագ­րա­կան ժա­պա­ւէ­նի մը նկա­րա­հա­նում­նե­րը սկսած են ­Թուր­քիոյ մէջ։ Այս մա­սին կը հա­ղոր­դէ «Էր­մե­նի­հա­պեր» կայ­քէ­ջը, որ կը յայտ­նէ, թէ թրքա­կան «Ozgur Gundem» թեր­թի կայ­քէ­ջին վրայ տե­ղադ­րո­ւած լրա­տո­ւու­թեան հա­մա­ձայն՝ վա­ ւե­րագ­րա­կա­նը կը կո­չո­ւի «­­Վան­քի ե­րե­խա­նե­րը» եւ կը պատ­մէ ­Տեր­սի­մի ­Վանք գիւ­ղի հա­յե­րու ու ա­նոնց վի­ճա­կո­ւած դա­ժան ճա­կա­տագ­րին մա­սին։

­Ժա­պա­ւէ­նը կ­­՚անդ­րա­դառ­նայ նաեւ գիւ­ղին մեր­ձա­կայ ­Հալ­վո­րի վան­քին, որ թրքա­կան բա­նա­կին կող­մէ ռմբա­կո­ծո­ւած եւ ա­ւե­րո­ւած է 1938ին: ­Ժա­ւա­ւէ­նի բե­մադ­րի­չը ­Նե­զա­հաթ ­Գիւն­դո­ղանն է (նկա­րը): ­Ժա­պա­ւէ­նին մէջ ներ­կա­յա­ցո­ւած է նաեւ ե­րեք տար­բեր ազ­գե­րու և ­տար­բեր կրօն­նե­րու պատ­կա­նող ե­րեք եղ­բայր­նե­րու պատ­մու­թիւ­նը: Եղ­բայր­նե­րէն ա­մէն մէ­կը ճա­կա­տագ­րի բե­րու­մով ապ­րած է տար­բեր ինք­նու­թիւն­նե­րով՝ որ­պէս հայ, թուրք եւ քիւրտ: Ա­նոնց­մէ մէ­կը քրիս­տո­նեայ է, միւ­սը՝ իս­լամ, եր­րոր­դը՝ ա­լե­ւի:

Լ­րագ­րող­նե­րու հետ կա­յա­ցած մամ­լոյ ա­սու­լի­սի ըն­թաց­քին, ժա­պա­ւէ­նին բե­մադ­րի­չը նշած է, որ ­Վանք գիւղն ու դա­րե­րով այն­տեղ բնա­կած ­Տեր­սի­մի հա­յե­րու պատ­մու­թիւ­նը բա­ցա­յայ­տած է պա­տա­հա­բար, երբ «­­Տեր­սի­մի կոր­սո­ւած աղ­ջիկ­նե­րը» լրագ­րա­կան ծրագ­րի ըն­թաց­քին կը փնտռէր տեր­սիմ­ցի կոր­սո­ւած հայ աղջ­կայ մը ազ­գա­կան­նե­րը։

­Գիւն­դո­ղան շեշ­տած է, որ հա­յե­րը ­Տեր­սի­մի դա­րա­ւոր բնա­կիչ­նե­րը ե­ղած են, սա­կայն այ­սօր այդ տա­րած­քին մէջ քիչ են հա­յե­րը, գրե­թէ չկան: ­Բո­լո­րը հե­ռա­ցած են, բնա­կու­թիւն հաս­տա­տած են ­Թուր­քիոյ կամ աշ­խար­հի տար­բեր վայ­րեր, յատ­կա­պէս ­Գեր­մա­նիա եւ Ֆ­րան­սա:

Ըստ բե­մադ­րի­չին՝ «­­Վան­քի ե­րե­խա­նե­րը» ժա­պա­ւէ­նին նպա­տակն է ցոյց տալ 1938 թո­ւա­կա­նին տե­ղի ու­նե­ցած ա­հա­ւոր դէպ­քե­րը եւ թրքա­կան պե­տու­թեան վա­րած մար­դաս­պան քա­ղա­քա­կա­նու­թիւ­նը, ինչ­պէս նաև թրքա­կան պե­տու­թեան ու հան­րու­թեան ստի­պել ա­ռե­րե­սո­ւե­լու ան­ցեա­լին հետ: