­«RePEc» Տն­տե­սա­կան Հե­տա­զօ­տու­թիւն­նե­րու Կեդ­րո­նի կազ­մած աշ­խար­հի ա­մե­նան­շա­նա­ւոր տնտե­սա­գէտ­նե­րուն վար­կան­շա­յին ա­ղիւ­սա­կին մէջ ա­ռա­ջին տե­ղը կը գրա­ւէ պոլ­սա­հայ ա­մե­րի­կաբ­նակ տնտե­սա­գէտ Տա­րօն Ա­ճե­մօղ­լուն:

Այս փաս­տին, ըստ Ermenihaber.amի, ա­ռանձ­նա­կի ու­շադ­րու­թեամբ անդ­րա­դար­ձած են թրքա­կան գլխա­ւոր լրա­տո­ւա­մի­ջոց­նե­րը: Յայտ­նի դար­ձած է, որ, նշա­նա­ւոր տնտե­սա­գէտ­նե­րու վե­րո­յի­շեալ ցու­ցա­կը կազ­մե­լու ժա­մա­նակ, քննար­կո­ւած է 2223 տնտե­սա­գէ­տի թեկ­նա­ծու­թիւն: Հա­շո­ւի առ­նո­ւած են տնտե­սա­գէտ­նե­րու վեր­ջին 10 տա­րի­նե­րու գի­տա­կան գոր­ծու­նէու­թիւ­նը, տնտե­սա­գի­տա­կան աշ­խա­տու­թիւն­նե­րը, ա­նոնց գոր­ծե­րէն կա­տա­րո­ւած մէջ­բե­րում­նե­րը եւ այդ բո­լո­րին գտած ժո­ղովր­դա­կա­նու­թիւ­նը: Ն­շենք, որ Տա­րօն Ա­ճե­մօղ­լուն ծնած է 1967ին, Պո­լիս։ 1986ին ա­ւար­տած է Կա­լա­թա­սա­րա­յի վար­ժա­րա­նը, որ­մէ ետք ու­սու­մը շա­րու­նա­կած է Անգ­լիոյ «Եորք» հա­մալ­սա­րա­նի տնտե­սա­գի­տու­թեան բա­ժի­նին մէջ: Գի­տա­կան աս­տի­ճան ստա­ցած է Լոն­տո­նի Տն­տե­սա­գի­տա­կան Հա­մալ­սա­րա­նին մէջ, ուր դա­սա­ւան­դած է 1992-1993 թո­ւա­կան­նե­րուն: 1993էն սկսեալ կը դա­սա­ւան­դէ Ա.Մ.Ն.ի Մա­սա­չու­սէթ­սի հա­մալ­սա­րա­նի ճար­տա­րա­գի­տա­կան ու­սում­նա­րա­նին մէջ: