Նախագահական քարոզարշաւի ընթացքին Թուրքիոյ վարչապետի հռետորաբանութիւնը լուրջ դժգոհութիւններ առաջացուցած է իր երկրէն ներս եւ դուրս
Թուրքիայի վարչապետ, նախագահի թեկնածու Ռեճեփ Էրտողանը նախագահական ընտրութիւններէն օրեր առաջ լուրջ քըննադատութեան կÿարժանանայ՝
հայերու հասցէին վիրաւորական արտայայտութեան համար, որ ունեցաւ հրապարակային իր ելոյթին մէջ:
Էրտողանը մեղադրած էր իր ընդդիմախօսները իր դէմ կեղտոտ քարոզարշաւ իրականացնելու համար եւ ըսած էր թէ՝ «Իմ մասին ինչեր կ'ըսեն: Ըսած են, որ վրացի եմ: Աւելի գէշ, կը ներէք արտայայտութեանս համար, ըսած են նաեւ որ հայ եմ»...:
Թրքական մամուլին մէջ տեղ գտած է վարչապետի այս արտայայտութիւնը: «Զաման»-ը կը գրէ որ վարչապետի ակնյայտ ցեղապաշ- տական խօսքերը վիրաւորանք են երկրին մէջ ապրող փոքրամասնութիւններու հասցէին, «փորձելով պաշտպանել իրեն՝ Էրտողանը շատ աւելի դժուար կացութեան մէջ յայտնուեցաւ», - կ'ընդգծէ «Հիւրիյէթ»-ը, մինչդեռ ձախակողմեան «Պիրգիւն»-ը, շատ աւելին կ'երթայ գրելով թէ՝ «Քըլըչտարօղլուն ալեւի է, Տեմիրթաշը՝ զազա, Իհսանօղլուն եգիպտացի է, իսկ դուն՝ գող»:
Հարցը այն է, որ քարոզարշաւի ընթացքին Էրտողանը առաջին անգամ չէ որ կÿօգտագործէ ազգային կամ կրօնական պատկանելիութիւնը՝ ընդդիմախօսները քննադատելու կամ վիրաւորելու համար:
Էրտողանի նախընտրական հռետորաբանութենէն դժգոհ են նաեւ ուրիշներ: ԱՄՆ գոնկրեսականներ կը զգուշացնեն թէ այսպիսի խօս-քերով վտանգի տակ կը դրուին ԱՄՆ-ի հետ յարաբերութիւնները, եւ թէ շատ դժուար կը դառնայ պաշտպանել Թուրքիոյ շահերը Ուաշինկթընի մէջ: