Print
Category: Յունական լուրեր

ԲՆԱԿԱՆ ԿԱԶԻ TAR ԽՈՂՈՎԱԿԱՇԱՐԻ ՇՈՒՐՋ ՔՆՆԱՐԿՈՒՄՆԵՐ

Երէկ Կիրակի 19 Մայիսին, միօրեայ այցելութեամբ Պաքու գտնուեցաւ Յունաստանի վարչապետ Անտոնիս Սամարաս, հանդիպում ունենալով նախագահ Իլհամ Ալիեւի հետ եւ քննարկելով ուժանիւթի բնագաւառին կապուած հարցեր:

Ըստ յունական մամուլին՝ վարչապետի քըննարկումները կապուած էին բնական կազի փոխադրութեան TAR խողովակաշարին, որու շուրջ նախատեսումները կ'ընդգրկեն յոյն-թրքական սահմանագիծէն սկիզբ առնելու ծրագիրը, ապա Ալպանիոյ միջոցաւ կազի փոխադրութիւնը Իտալիա: Յոյն վարչապետի նպատակն էր ցոյց տալ Յունաստանի հետաքրքրութիւնը այս ծրագրի իրագործման գծով: Քննարկուած են նաեւ զբօսաշրջութեան եւ տնտեսութեան վերաբերող այլ հարցեր:

Անտոնիս Սամարաս Իհլամ Ալիեւին յանձնած է Յունաստանի նախագահ Գարոլոս Փափուլիասի կողմէ Աթէնք այցելելու հրաւէր: