Հայ կաթողիկէ պատրիարքարանի Սուրբ Գրիգոր Նարեկացի կեդրոնի Դպրոցական հայագիտութեան զարգացման գրասենեակը 2014 թուականի Մարտ ամսուն հրապարակեց հայոց լեզուի ուսուցման ծրագիր մը՝ ուղղուած Լիբանանի հայկական վարժարաններու նախակրթարանի հայոց լեզուի ուսուցիչներուն:
Սոյն աշխատութիւնը հրապարակուեցաւ Դպրոցական հայագիտութեան զարգացման գրասենեակի հրատարակած «Հայ մանկավարժ» հանդէսի 6-րդ համարին մէջ: Ծրագրին հեղինակն է Երեւանի Խ. Աբովեանի անուան պետական մանկավարժական համալսարանի փրոֆեսոր, դոկտ. Ճուլիեթա Կիւլամիրեան, աշխատակցութեամբ Լիբանանի հայ կաթողիկէ վարժարաններու նախակրթարանի ուսուցչական աշխատանքային խմբակին, որ յառաջացուած էր յատուկ այս նպատակով: