«Վերջին Ռաունտը Պոլսոյ մէջ»
Հայոց Ցեղասպանութեան Հետեւանքներուն Անդրադարձող
Շնչաւորուած Նկարներով Ֆիլմ
Սերժ Աւետիքեան ներկայիս կ'աշխատի խոշոր նախագիծի մը վրայ, որ «վերջին ռաունտը Պոլսոյ մէջ» շնչաւորուած նկարներով (անիմասիոն) լիամետրաժ ֆիլմն է:
Աւետիքեան պիտի անդրադառնայ նաեւ Հայոց ցեղասպանութեան հետեւանքներուն: «Ֆիլմի սենարը լիովին ամբողջական է, այժմ մենք մշակում ենք ֆիլմի՝ չորս րոպէ տեւողութեամբ նախագիծը՝ երկու դրուագ»,- Փարիզէն ըսած է Աւետիքեան:
Սենարի վերջին տարբերակը մշակելով՝ Աւետիքեան հասկցած է, թէ որքան մեծ է ֆիլմի ներ- քին հզօրութիւնը: «Արդէն սկսում եմ հասուն ձեւով զգալ ֆիլմի ոճը, որը շատ հրապուրիչ է: Հայաստանի հետ անմիջական համաարտադրութիւն այն, ամենայն հաւանականութեամբ, չի ունենայ: Հնարաւոր է, որ որպէս համաարտադրող երկիր հանդիսանան Գանատան եւ Թուրքիան»,- ըսած է բեմադրիչը: Թուրքիայի հետ համաարտադրութեամբ ստեղծուած էր նաեւ «Շուներու կղզին» ֆիլմը, որուն համար ֆիլմի սենարիստը Քաննի փառատօնին արժանացաւ «ոսկէ արմաւենի» մրցանակին:
Աւետիքեանի գնահատմամբ՝ «Վերջին ռաունտը Պոլսոյ մէջ» անուղղակի եւ դաժան ձեւով կը պատմէ Թուրքիոյ պատմութիւնը, որ կÿառնչուի նաեւ Հայոց ցեղասպանութեան եւ ֆաշիզմի թեմային: «Այսօր, կարծում եմ, Թուրքիայում կան համարձակ երիտասարդ պրոդիւսերներ, որոնք կը ցանկանան լինել այս գործի մէջ, որովհետեւ սա իրենց համար էլ է կարեւոր»,- պարզաբանած է ֆիլմի հեղինակը:
ֆիլմի առանցքին են քոյր ու եղբայր Ռոզան եւ Արմէնը, ովքեր որբեր են եւ կ'ապրին Ադիս Աբեբայի մէջ, ուրկէ ստիպուած են փախչելու Ջիպութի ապա Պոլիս: Ֆիլմի մէջ հերոսներու կեանքի մասին պատմող տարատեսակ իրադարձութիւնները կը հանգուցալուծուին Մարսէյլի մէջ, ուր իրենք վերջնական բնակութիւն կը հաստատեն:
Աւետիքեանի հաւաստիացումով ֆիլմի ենթախորքի մէջ, ներկայացուած է ցեղասպանութեան գլխաւոր հետեւանքը՝ սփիւռքահայութիւնը: «Աշխարհով մէկ սփռուած ազգի պատմութիւնն է հէնց ֆիլմի վերջին ստորակէտը»,-ընդգծեց Աւետիքեան՝ աւելցնելով, որ փորձած է ֆիլմի մէջ ցեղասպանութեան հետեւանքները կապել Առաջին եւ Երկրորդ աշխարհամարտերու հետեւանքներուն հետ: