Դամասկոսէն «Ազդակ»-ի թղթակիցը երէկ հաղորդեց, որ անցնող օրերուն անվըտանգութեան վերաբերող զարգացումները յատկանշուած էին Ժոպար եւ Քապուն շրջաններուն մէջ շարունակուող մարտերով,
որոնց պատճառով յաճախակիօրէն կը լսուէին թնդանօթներու հարուածներու ձայները:
Անցնող օրերուն մայրաքաղաքի խաղաղ թաղերուն մէջ արձանագրուեցան քանի մը հրասանդի հրթիռներու հարուածներ:
Երէկ, ՍԱՆԱ լրատու գործակալութեան համաձայն, Մազրաա շրջանի մզկիթին մէջ ահաբեկչական պայթումի մը պատճառով զոհուած են յայտնի Շէյխ Մոհամետ Սէյիտ Ռամատան Պութին եւ 14 հաւատացեալներ: