Փետրուար 6-ին պաշտօնական այցելութեամբ Պուտափեշտ ժամանած էր Թուրքիոյ վարչապետ Թայիփ Էրտողանը:
Այցելութեան ծիրէն ներս նախատեսուած էր «Ժողովրդավարութիւնը Թուրքիոյ մէջ» թեմայով դասախօսութիւն, քաղաքի ԷԼՏ համալսարանէն ներս: Դասախօսութեան մասնակցութեան դիմումներ ներկայացուցած էին հայ, յոյն եւ սուրիացի ուսանողներ, որոնք սակայն մերժուած էին: Երկար պէտք չկայ մտածելու, հասկնալու համար, որ փաստը կը տրուէր «Թուրքիոյ ժողովրդավարութեան»...: Ամբողջ դասախօսութեան ընթացքին Հունգարիոյ մէջ ապրող սուրիացի, հայ եւ յոյն բնակիչները չհեռացան համալսարանի առջեւէն, բողոքի ցոյց կատարելով եւ պահանջելով ճանչնալ Հայոց Ցեղասպանութիւնը ու վերջ տալ Սուրիոյ մէջ անմեղ բնակչութեան կոտորածին: