Իրանական IRNA լրատու գործակալութեան տուած հարցազրոյցին մէջ Իրանի՝ Ասիայի ու Խաղաղովկիանոսեան երկիրներու փոխ արտաքին գործոց նախարար Աբբաս Արագչին անդրադարձած է Ղարաբաղեան հակամարտութեան կարգաւորման։
«Իրանը Հայաստանի ու Ատրպէյճանի բարձրաստիճան ներկայացուցիչներու հետ բարձր մակարդակով ունեցած հանդիպումներու ժամանակ
պատրաստակամութիւն յայտնած է աջակցելու Ղարաբաղեան հակամարտութեան խաղաղ կարգաւորման: Հայաստանի ու Ատրպէյճանի հետ ընդհանուր սահման ունեցող Իրան, բնականաբար մտահոգ է հայ-ատրպէյճանական շփման գծի լարուածութեամբ: Իրան մտահոգ է նաեւ Ատրպէյճանի ու Իսրայէլի միջեւ ռազմական համագործակցութեամբ»: