Աւստրիական Europaballett St.PՓlten թատրոնի ատրպէյճանցի պարողներ Մեհման եւ Նարիման Մարտանով վերադարձած են Պաքու, քանի որ հրաժարած են մասնակցելէ հայ նկարչուհի Գայիանէ Խաչատրեանին նուիրուած «Գայիանէ» մէկ գործողութեամբ պալէին: «Գայիանէ»ն բեմադրած է Միքայէլ Ֆիխտենպաում, որ Europaballett St.PՓlten-ի գեղարուեստական ղեկավարն է: Պալէին պէտք է մասնակցէին նաեւ Մեհման եւ Նարիման Մարտանով, որոնք ժամանակին Europaballett St.PՓlten ընդունուած են Ատրպէյճանի մշակոյթի նախարարին անձնական խնդրանքով: Սակայն, անոնք մերժած են մասնակցիլ նախագծին, պատճառաբանելով, որ Գայիանէ Խաչատուրեանը հայ է: Europaballett St.PՓlten-ի ամբողջ կազմը շշմած է ի տես այս կեցուածքին: Միջամտած է Աւստրիոյ մշակոյթի նախարարը՝ պահանջելով ատրպէյճանցի պարողներէն, որ լքեն երկիրը:
Նշենք, որ նկարչուհիին ծննդեան 70ամեակին նուիրուած յոբելինական միջոցառումներու շարքը կը շարունակուի Աւստրիոյ զանազան քաղաքներուն մէջ: