«Նուվել տ՛Արմենի» կը հաղորդէ, որ Ֆրանսայի նախագահութեան թեկնածու Ֆրանսուա Հոլլանտ Մարսէյի մէջ 14 Մարտին հանդիպում ունեցած է քաղաքի հայ համայնքի ներկայացուցիչներուն հետ:

Հոլլանտ Փրատոյի հայկական տաճարին մէջ ցեղասպանութեան զոհերու յիշատակին նուիրուած յուշակոթողին ծաղկեպսակ դրած է: Անկէ առաջ այդ նոյն վայրին մէջ 23 Ապրիլ 1981-ին ծաղկեպսակ դրած էր նաեւ Ֆրանսայի 21-րդ նախագահ ընկերվարական Ֆրանսուա Միթերանը:
Հոլլանտ վերահաստատած է ընտրուելու պարագային Հայոց ցեղասպանութեան ժխտումը քրէականացնող օրէնք որդեգրելու իր դիրքորոշումը: