«Ար­մէնփ­րես» կը հա­ղոր­դէ, որ գեր­մա­նա­կան հե­ղի­նա­կա­ւոր «­Պիլտ» օ­րա­թեր­թին յայտ­նի դար­ձած է, որ իբ­րեւ «պա­տաս­խան մի­ջո­ցա­ռում­ներ»ու՝ ­Թուր­քիոյ մէջ կը պատ­րաս­տո­ւին դա­տի տալ ­Պուն­տես­թա­կի այն 11 թուրք ե­րես­փո­խան­նե­րը, ո­րոնք քո­ւէար­կած են ­Հա­յոց ­Ցե­ղաս­պա­նու­թեան ճա­նաչ­ման բա­նա­ձե­ւին օգ­տին:

«­Պիլտ» յայտ­նած է, որ ­Թուր­քիոյ մէջ կը պատ­րաս­տո­ւին առ­նո­ւազն ե­րեք դա­տա­կան հայ­ցեր՝ ­Պուն­տես­թա­կի թուրք ե­րես­փո­խան­նե­րուն դէմ: Եր­կու հայ­ցեր կը պատ­րաս­տեն թրքա­կան ոս­տի­կա­նու­թեան միու­թիւն­նե­րը, իսկ եր­րոր­դը` Թր­քա­կան ի­րա­ւա­բան­նե­րու միու­թիւ­նը: Այդ միու­թիւն­նե­րը ար­դէն դի­մում ներ­կա­յա­ցու­ցած են դա­տա­խա­զու­թեան:

­Հայ­ցե­րու հա­մար իբ­րեւ ի­րա­ւա­կան հիմք կը ծա­ռա­յէ ­Թուր­քիոյ Ք­րէա­կան օ­րէնս­գիր­քի տխրահռչակ 301րդ ­յօ­դո­ւա­ծը, ո­րուն հա­մա­ձայն՝ թուրք ազ­գը, ­Թուր­քիոյ ­Հան­րա­պե­տու­թիւ­նը, խորհր­դա­րա­նը, կա­ռա­վա­րու­թիւ­նը եւ պե­տա­կան ար­դա­րա­դա­տու­թեան մար­մին­նե­րը հրա­պա­րա­կա­յին կեր­պով վար­կա­բե­կո­ղը կը դա­տա­պար­տո­ւի 6 ա­մի­սէն մին­չեւ եր­կու տա­րի բան­տար­կու­թեան:

Ըստ գեր­մա­նա­կան օ­րա­թեր­թին՝ ա­տի­կա կը նշա­նա­կէ, որ ե­թէ թրքա­կան դա­տա­րա­նը ­Պուն­տես­թա­կի թուրք ե­րես­փո­խան­նե­րը մե­ղա­ւոր նկա­տէ, ա­պա ­Թուր­քիա եր­թա­լու պա­րա­գա­յին ա­նոնք կրնան ձեր­բա­կա­լո­ւիլ եւ բան­տար­կո­ւիլ:

Պ­րիւք­սէլ բազ­միցս քննա­դա­տած էր Ան­գա­րան Ք­րէա­կան օ­րէնս­գիր­քի 301րդ ­յօ­դո­ւա­ծին առն­չու­թեամբ եւ զայն, խո­չըն­դոտ նկա­տե­լով ­Թուր­քիոյ Եւ­րո­պա­կան ­Միու­թեան ան­դա­մակ­ցու­թեան հա­մար, խոր­հուրդ տո­ւած էր ջնջե­լու մար­դու ի­րա­ւունք­նե­րուն եւ ա­զա­տու­թիւն­նե­րուն հա­կա­սող այդ յօ­դո­ւա­ծը, իսկ Եւ­րո­պա­յին հա­ճո­յա­նա­լու հա­մար Էր­տո­ղան բազ­միցս յայ­տա­րա­րած էր, որ յի­շեալ յօ­դո­ւա­ծը այ­լեւս չի կի­րար­կո­ւիր ­Թուր­քիոյ մէջ: