Ան ա­ւել­ցու­ցած է, թէ Մոս­կուա հա­ւա­սա­րա­պէս ատրպէյ­ճա­նա­կան եւ հայ­կա­կան կող­մե­րուն հետ կ­՛ու­զէ լու­ծել այս բարդ ի­րա­վի­ճա­կը, որ տա­րի­ներ շա­րու­նակ երկ­կողմ յա­րա­բե­րու­թեանց դի­մաց կանգ­նած մե­ծա­գոյն խնդիրն է: «­Մենք շատ կը փա­փա­քին այս խնդի­րը վեր­ջա­պէս լու­ծել մի­ջազ­գա­յին ի­րա­ւուն­քի, ի­րա­ւա­հա­ւա­սա­րու­թեան ու փո­խա­դարձ յար­գան­քի սկզբունք­նե­րու հի­ման վրայ»,- եզ­րա­կա­ցու­ցած է ան:

Յի­շեց­նենք, որ Ատր­պէյ­ճա­նի նա­խա­գահ Իլ­համ Ա­լիեւ, ե­լոյթ ու­նե­նա­լով Նով­րու­զի տօ­նին առ­թիւ՝ յայտ­նած էր, որ Ե.Ա.Հ.Կ. Մինս­քի Խմ­բա­կի հա­մա­նա­խա­գահ­նե­րուն կարգ մը գոր­ծո­ղու­թիւն­նե­րը «սադ­րիչ բնոյթ ու­նին»: Մաս­նա­ւո­րա­պէս մեկ­նա­բա­նե­լով Եւ­րո­խոր­հուր­դին մէջ Լեռ­նա­յին Ղա­րա­բա­ղի հար­ցով ատր­պէյ­ճա­նա­մէտ բա­նա­ձե­ւին ձա­խո­ղու­թիւ­նը՝ Ա­լիեւ նշած է, որ Մինս­քի Խմ­բա­կի հա­մա­նա­խա­գահ­նե­րը ի­րենց ա­պա­կա­ռու­ցո­ղա­կան գոր­ծու­նէու­թեամբ կը նպաս­տեն հա­կա­մար­տու­թեան սա­ռեց­ման՝ գե­րա­զան­ցե­լով ի­րենց լիա­զօ­րու­թիւն­նե­րը եւ մի­ջամ­տե­լով մի­ջազ­գա­յին կազ­մա­կեր­պու­թիւն­նե­րու աշ­խա­տան­քին: