Նոյեմբեր 9ին Ախալքալաքի գաւառագիտական թանգարանին մէջ իրականացաւ քաղաքի օրուան նուիրուած ձեռնարկ, որ կազմակերպած էր թանգարանի աշխատող՝ Իզապելլա Ղազարեան: Այս մասին կը հաղորդէ akhaltskha.net-ը։
Ձեռնարկի կայացման գործին իրենց աւանդն ու ներդրումը ունեցան Ախալքալաքի հայկական եւ ռուսական դպրոցներու աշակերտները: Իւրաքանչիւր դպրոց ներկայացաւ առանձին գեղարուեստական, գրական եւ երաժշտական համարներով:
Յովհաննէս Թումանեանի “Կիկոսի մահը” առաջին անգամ Ախալքալաքի մէջ բեմադրուեցաւ ջաւախեան բարբառով, որ լայն արձագանգ գտաւ ներկաներուն մէջ: Իր հիասքանչ կատարումներով հանդէս եկաւ նաեւ “Ջաւախք” ազգագրական երգի եւ պարի համոյթը, որ ներկաներու համար կատարեց հին ջաւախեան պարը:
Ձեռնարկի կազմակերպիչ՝ Իզապելլա Ղազարեան իր խօսքին մէջ մասնաւորապէս ըսաւ. “Ես ցանկանում եմ, որ այս օրը նշուի որպէս մեր քաղաքի հիմնադրման օր: Եւ կարծում եմ, որ մենք‘ ախալքալաքցիներս արժանի ենք քաղաքի օր ունենալու: Մեր քաղաքում քիչ մեծեր չեն ծնուել եւ հիմա էլ ծնւում են: Դէմիրճեանից սկսած մինչեւ մեր Աշոտ Մելքոնեան, Սերգէյ Մինասեան: Տաղանդներ դեռ շատ կը ծնուեն Ջաւախքում”:
Ձեռնարկի պատուաւոր հիւրերէն Սուսաննա Գալստեան, որ 37 տարուան մանկավարժ է, եւ միշտ ու ամէնուր ջատագովն է հայերէնի իմացութեան, իր հեթին ըսաւ. “Ջաւախքը` մեր քաղաքը հին հայկական քաղաք է, եւ պէտք է, որ ժողովուրդը լաւ իմանայ գրական հայերէն: Այս թանգարանում պահւում են Ջաւախքի մեծերի մասին տեղեկութիւններ եւ այս ամէնը չիմանալը ջաւախքցու համար ամօթ է: Իզուր չէ ասել մեծն հեղինակը` իջնում ես հայոց լեռներէն, ինչու չես խօսում հայերէն”,- ըսաւ հայոց լեզուի եւ գրականութեան մասնագէտ, վաստակաշատ մանկավարժ Սուսաննա Գալստեան:
Իր տեսակի ու էութեան մէջ բացառիկ ձեռնարկին՝ անզուգական կատարումով հանդէս եկաւ Թումանեանի անուան դպրոցի աշակերտուհի՝ Շուշանիկ Վանցեան “Ով հայոց մայրեր” երգով:
Ախալքալաքի գաւառական թանգարանին մէջ կարծես մթնոլորտը տարբեր էր սովորական օրերէն. այնտեղ կարծես ջաւախքցիի միաձուլուած՝ հին ու մերօրեայ կեանքը ներդաշնակօրէն միաձուլուած էր:
Նշենք, որ Ախալքալաքի միակ այս թանգարանը հիմնադրուած է 1958ին: Այնտեղ այցելուները կրնան ծանօթանալ ջաւախքցիի հնագոյն կենցաղին, թէ ինչպէս հագած են նախապէս, ինչպիսի իրեր օգտագործած են եւ այլն: Այս բոլորի կողքին նաեւ Ջաւախքի մէջ ծնած մեծերու մասին հետա- քրքրական բացառիկ տեղեկութիւններ եւս կրնան ստանալ թանգարանի այցելուները, ինչպէս նաեւ ծանօթանալ անոնց կեանքի ընթացքին օգտագործած իրերը: