«­Գան­ձա­սար» շա­բա­թա­թեր­թի աշ­խա­տա­կից­նե­րը խորհր­դակ­ցա­կան հան­դի­պում մը ու­նե­ցան Շա­բաթ՝ 29 Օ­գոս­տո­սին, «­Սու­րիա­հա­յու­թեան տագ­նապն ու «­Գան­ձա­սար»ին դե­րը» նիւ­թին շուրջ զրու­ցե­լու եւ կար­ծիք­ներ փո­խա­նա­կե­լու հա­մար: «­Գան­ձա­սար»ի խմբա­գիր Զար­միկ Պօ­ղի­կեան անդ­րա­դար­ձաւ մամ­լոյ դե­րին՝ լրա­տո­ւու­թեան ներ­կայ բաց հա­մա­կար­գին մէջ սու­րիա­հա­յու­թեան տագ­նա­պի ու հա­մայն­քա­յին կեան­քի իս­կա­կան պատ­կե­րը ներ­կա­յաց­նե­լու յոյժ կա­րե­ւոր աշ­խա­տան­քին մէջ, ա­պա նաեւ կա­րե­ւոր նկա­տեց ա­զատ խօսքն ու բազ­մա­կար­ծու­թիւ­նը, միա­ժա­մա­նակ, լրա­տո­ւու­թեան հան­րա­յին կար­ծի­քին վրայ ու­նե­ցած ազ­դե­ցու­թիւ­նը նկա­տի ա­ռած՝ ա­պա­տե­ղե­կա­տո­ւու­թեան դէմ դնե­լու եւ հա­մայն­քի դժո­ւա­րու­թիւն­նե­րուն եւ տար­բեր աշ­խա­տանք­նե­րուն հա­րա­զա­տօ­րէն ար­ձա­գան­գե­լու կա­րե­ւո­րու­թիւ­նը: Պատ­կան մար­մի­նի ան­դամ տոքթ. Ներ­սէս Սար­գի­սեան ներ­կա­յա­ցուց սու­րիա­կան տագ­նա­պի անց­նող չորս տա­րի­նե­րուն ապ­րած զար­գա­ցում­նե­րուն հո­լո­վոյթն ու հայ հա­մայն­քին մօ­տե­ցու­մը՝ շեշ­տե­լով, որ հա­մայն­քը իր յա­րա­բե­րա­կան, ա­պա­հո­վա­կան, տնտե­սա­կան, կազ­մա­կերպ­չա­կան բո­լոր հնա­րա­ւո­րու­թիւն­նե­րը ի գործ դրաւ՝ տագ­նա­պէն նո­ւա­զա­գոյն վնաս­նե­րով դուրս գա­լու եւ հա­ւա­սա­րակշռուած դիր­քե­րէ հան­դէս գա­լու հա­մար: «­Գան­ձա­սար»ի վար­չու­թեան ա­տե­նա­պետ Գէորգ Ա­պա­հու­նի կա­րե­ւոր նկա­տեց նման հան­դի­պում­նե­րը եւ փա­փաք յայտ­նեց շա­րու­նա­կա­կան դարձ­նել զա­նոնք՝ հա­մայն­քը յու­զող տար­բեր հար­ցե­րու շուրջ խորհր­դակ­ցե­լու եւ կար­ծիք­ներ փո­խա­նա­կե­լու հա­մար: Այ­նու­հե­տեւ «­Գան­ձա­սար»ի աշ­խա­տա­կից­նե­րը կար­ծիք­ներ փո­խա­նա­կե­ցին սու­րիա­հայ հա­մայն­քի ներ­կայ վի­ճա­կին առն­չու­թեամբ մա­մու­լին մէջ տեղ գտած ար­ձա­գանգ­նե­րուն ու «­Գան­ձա­սար»ի դե­րին մա­սին: