Հինգ­շաբ­թի՝ 27 Օ­գոս­տոս 2015ի ե­րե­կո­յեան, Պիք­ֆա­յա­յի Ս. Աս­տո­ւա­ծա­ծին վան­քին մէջ, վե­հա­փառ հայ­րա­պե­տին այ­ցե­լե­ցին խորհր­դա­րա­նի նա­խա­գահ Նե­պիհ Պըր­րիի ներ­կա­յա­ցու­ցիչ­նե­րը: Հան­դիպ­ման ըն­թաց­քին քննար­կու­մի յա­տուկ նիւթ դար­ձան Պէյ­րու­թի մէջ տե­ղի ու­նե­ցող ժո­ղովր­դա­յին ցոյ­ցե­րը, ինչ­պէս նաեւ երկ­րին ան­դոր­րու­թիւ­նը պա­հե­լու և նա­խա­գա­հա­կան ընտ­րու­թիւ­նը շու­ տա­փոյթ կեր­պով կա­տա­րե­լու հրա­մա­յա­կա­նը: Վե­հա­փառ հայ­րա­պե­տը իր զօ­րակ­ցու­թիւ­նը յայտ­նեց ժո­ղովր­դա­յին ընվ­զու­մին նկատ­մամբ, միա­ժա­մա­նակ զգու­շաց­նե­լով ժո­ղովր­դա­յին ցոյ­ցե­րուն քա­ղա­քա­կան բնոյթ տա­լու եւ օ­րի­նա­կան ու­ժե­րուն հետ բա­խում­ներ յա­ռա­ջաց­նե­լու վնա­սա­բեր փոր­ձե­րէն: Վե­հա­փառ հայ­րա­պե­տը նաեւ շեշ­տեց շու­տա­փոյթ նա­խա­գա­հա­կան ընտ­րու­թիւն կա­տա­րե­լու անհ­րա­ժեշ­տու­թիւ­նը` զայն նկա­տե­լով երկ­րին դի­մագ­րա­ւած շարք մը հար­ցե­րու լուծ­ման ա­ռաջ­նոր­դող ա­պա­հով ճա­նա­պարհ: Ա­պա, վե­հա­փառ հայ­րա­պե­տը ըն­դու­նեց Մա­րո­նի Ե­կե­ղեց­ւոյ հո­գե­ւոր պետ Ռա­յի Պատ­րիար­քին ներ­կա­յա­ցու­ցի­չը: Վեր­ջինս տե­ղեակ պա­հեց Վե­հա­փառ Հայ­րա­պե­տը Պատ­րիար­քին վեր­ջերս ու­նե­ցած հան­դի­պում­նե­րուն գծով, յատ­կա­պէս` նոր նա­խա­գա­հի ընտ­րու­թեան առն­չու­թեամբ: Խորհր­դակ­ցու­թեան գլխա­ւոր նիւ­թը դար­ձաւ Եր­կու­շաբ­թի՝ 31 Օ­գոս­տո­սին Պ­քեր­քէի մէջ տե­ղի ու­նե­նա­լիք քրիս­տո­նեայ-իս­լամ հո­գե­ւոր պե­տե­րու հան­դի­պու­մը: