Բե­մին վրայ ե­ռան­դուն, խան­դա­վառ, սրա­միտ եւ իս­կա­կան ա­րուես­տա­գէ­տի բո­լոր տո­ւեալ­նե­րով օժ­տո­ւած, տաս­նեակ տա­րի­ներ սե­րունդ­ներ եւ սե­րունդ­ներ հմա­յած ու տա­կա­ւին հմա­յող 91ա­մեայ Շարլ Ազ­նա­ւու­րի ներ­կա­յու­թիւ­նը, իս­կա­կան հմայք մը ըլ­լա­լէ բա­ցի, ո­չինչ կրնայ ըլ­լալ եւ պահ մը հան­դի­սա­տե­սին մտա­ծել տալ, թէ ան շատ հե­ռու է նոյ­նիսկ 70ա­մեա­կի դռնե­րը բա­խե­լէ:

Պաթ­րու­նի մի­ջազ­գա­յին փա­ռա­տօ­նին բա­ցու­մը տե­ղի ու­նե­ցաւ Շա­բաթ՝ 1 Օ­գոս­տոս 2015ի ե­րե­կո­յեան ժա­մը 9:30ին, մի­ջազ­գա­յին ա­ռաս­պել Շարլ Ազ­նա­ւու­րի պատ­մու­թիւն կեր­տած եւ տա­կա­ւին պատ­գամ ու սէր փո­խան­ցող ձայ­նով: Հա­կա­ռակ փա­ռա­տօ­նին վե­րա­բե­րող կազ­մա­կեր­պա­կան ո­րոշ հար­ցե­րու, հա­զիւ բե­մին վրայ ե­րեւ­ցած` Ազ­նա­ւուր ար­դէն իսկ իր հմայքն ու գրաւ­չու­թիւ­նը տա­րա­ծեց ներ­կա­նե­րուն վրայ` ու­րա­խու­թիւն յայտ­նե­լով Լի­բա­նան գտնո­ւե­լուն եւ իր լի­բա­նան­ցի երկր­պա­գու­նե­րուն դի­մաց ան­գամ մը եւս ե­լոյթ ու­նե­նա­լուն հա­մար:

Ազ­նա­ւուր եր­գեց կեան­քը, սէ­րը, բա­նաս­տեղ­ծու­թիւ­նը, եր­գեր ձօ­նեց իր մօր, սի­րա­հա­րին, ըն­կե­րոջ, իր 9 տաս­նեակ տա­րի­նե­րու փոր­ձա­ռու­թե­նէն քա­ղած դա­սե­րը ա­րո­ւես­տի ճամ­բով շնչա­ւո­րեց ու փո­խան­ցեց ներ­կա­նե­րուն, եր­գեց իր կեան­քը, բա­ցաւ իր սիր­տը` զայն հրամց­նե­լով ներ­կա­նե­րուն, պա­րեց ու բե­մա­կան ու­րոյն պատ­կեր­ներ ու­րո­ւագ­ծեց բե­մին վրայ եւ շուրջ մէ­կու­կէս ժամ գե­րեց ա­ւե­լի քան 5 հա­զար ա­րո­ւես­տա­սէր-ազ­նա­ւու­րա­սէր­նե­րը: Ա­ռաս­պե­լի կո­չում վա­յե­լող հայ ա­րո­ւես­տա­գէ­տին կող­մէ լի­բա­նան­ցի­նե­րուն հրամ­ցո­ւած այս իւ­րա­յա­տուկ ե­րե­կոն, Լի­բա­նա­նի փա­ռա­տօ­նե­րու պատ­մու­թեան մէջ, պի­տի ու­նե­նայ իր ու­րոյն դրոշ­մը` Ազ­նա­ւու­րեան ազ­նո­ւա­կա­նու­թեամբ պա­րու­րո­ւած: