Յու­լիս 22ին, հան­դի­սա­պե­տու­թեամբ Գա­րե­գին Բ. Ա­մե­նայն Հա­յոց Կա­թո­ղի­կո­սի եւ ներ­կա­յու­թեամբ նա­խա­գահ Սերժ Սարգ­սեա­նի, տե­ղի ու­նե­ցաւ Նոր Հա­ճըն քա­ղա­քի նո­րա­կա­ռոյց ե­կե­ղեց­ւոյ օծ­ման հան­դի­սա­ւոր ա­րա­րո­ղու­թիւ­նը: Այս մա­սին կը յայտ­նեն Մայր Ա­թո­ռի տե­ղե­կա­տո­ւա­կան հա­մա­կար­գէն:

Ե­կե­ղե­ցին, ո­րուն հիմ­նար­կե­քը կա­տա­րո­ւած էր 2011 թո­ւա­կա­նին, կա­ռու­ցո­ւած է Գա­գիկ Ծա­ռու­կեա­նի բա­րե­րա­րու­թեամբ: Ե­կե­ղեց­ւոյ նա­խա­գի­ծի հե­ղի­նակն է Հ.Հ. վաս­տա­կա­ւոր ճար­տա­րա­պետ Ար­տակ Ղու­լեան:

Ա­մե­նայն Հա­յոց Հայ­րա­պե­տին ու Հ.Հ. նա­խա­գա­հին, ե­կե­ղեց­ւոյ առ­ջեւ, դի­մա­ւո­րե­ցին Կո­տայ­քի թե­մի ա­ռաջ­նորդ Ա­ռա­քել Ար­քե­պիս­կո­պոս Քա­րա­մեան, ե­կե­ղեց­ւոյ բա­րե­րար Գա­գիկ Ծա­ռու­կեան, Կո­տայ­քի մարզ­պետ Կա­րա­պետ Գու­լո­յեան, Նոր Հա­ճը­նի քա­ղա­քա­պետ Գա­գիկ Մա­թե­ւո­սեան եւ բա­զում ուխ­տա­ւոր հա­յոր­դի­ներ: Նո­րին Սր­բու­թիւ­նը, իր հայ­րա­պե­տա­կան օրհ­նու­թիւ­նը բաշ­խե­լով ներ­կա­նե­րուն, հո­գե­ւո­րա­կա­նաց դա­սի ու­ղեկ­ցու­թեամբ մուտք գոր­ծեց նո­րա­կա­ռոյց ե­կե­ղե­ցի, ուր սկսաւ ե­կե­ղեց­ւոյ օծ­ման կար­գը: Շա­րա­կան­նե­րու եւ սաղ­մոս­նե­րու եր­գե­ցո­ղու­թե­նէն, ա­ղօթք­նե­րու ըն­թեր­ցու­մէն ետք խո­րան բարձ­րա­ցո­ւե­ցաւ սրբա­լոյս միւ­ռո­նը, ո­րով Ա­մե­նայն Հա­յոց Կա­թո­ղի­կո­սը կա­տա­րեց ե­կե­ղեց­ւոյ Ս. Սե­ղա­նի օ­ծու­մը: Խո­րա­նի սիւ­նե­րու, Մկըր­տու­թեան Ս. Ա­ւա­զա­նի եւ Խո­րա­նի Շուր­թի օ­ծու­մը կա­տա­րո­ւե­ցաւ ձե­ռամբ Ե­րու­սա­ղէ­մի Հա­յոց Պատ­րիար­քու­թեան դի­ւա­նա­պետ Ա­րիս Ար­քե­պիս­կո­պոս Շիր­վա­նեա­նի, Ա­րա­րա­տեան Հայ­րա­պե­տա­կան թե­մի ա­ռաջ­նոր­դա­կան փո­խա­նորդ Նա­ւա­սարդ Ար­քե­պիս­կո­պոս Կ­ճո­յեա­նի, Մայր Ա­թո­ռի ար­տա­քին յա­րա­բե­րու­թիւն­նե­րու եւ ա­րա­րո­ղա­կար­գի բաժ­նի տնօ­րէն Նա­թան Ար­քե­պիս­կո­պոս Յով­հան­նի­սեա­նի, Տա­ւու­շի թե­մի ա­ռաջ­նորդ եւ Մայր Ա­թո­ռի Ե­կե­ղե­ցա­կան Հա­յե­ցա­կար­գա­յին Հար­ցե­րու Գ­րա­սե­նեա­կի տնօ­րէն Բագ­րատ Ե­պիս­կո­պոս Գալս­տա­նեա­նի եւ Մայր Ա­թո­ռի վար­չատըն­տե­սա­կան բաժ­նի տնօ­րէն Մու­շեղ Ե­պիս­կո­պոս Բա­բա­յեա­նի: Օ­ծու­մէն ետք կա­տա­րո­ւե­ցաւ ե­կե­ղեց­ւոյ ա­նո­ւա­նա­կո­չու­թիւ­նը: Վե­հա­փառ Հայ­րա­պե­տը նո­րա­կա­ռոյց ե­կե­ղե­ցին կո­չեց Ս. Ա­մե­նափր­կիչ:

Այ­նու­հե­տեւ Գա­րե­գին Բ. Ա­մե­նայն Հա­յոց Կա­թո­ղի­կոս, այս ու­րա­խա­լի ա­ռի­թով, իր օրհ­նու­թեան պատ­գա­մը բե­րաւ ա­րա­րո­ղու­թեան մաս­նա­կից­նե­րուն եւ Նոր Հա­ճը­նի բնա­կիչ­նե­րուն:

«­Մեծ է բո­լո­րիս ու­րա­խու­թիւնն այ­սօր. Հա­յոց Աս­տո­ւա­ծօրհ­նեալ երկ­նա­կա­մա­րի ներ­քոյ նոր ա­ղօ­թա­տուն մը` Նոր Հա­ճը­նի շքե­ղա­շուք Սուրբ Ա­մե­նափր­կիչ այս ե­կե­ղե­ցին, իր դռնե­րը կը բա­նայ հա­ւա­տա­ւոր մեր ժո­ղո­վուր­դի առ­ջեւ: Գո­հու­թիւն կը մա­տու­ցենք Երկ­նա­ւոր Տի­րո­ջը, որ հեր­թա­կան ան­գամ Մե­զի ա­ռիթն ու հնա­րա­ւո­րու­թիւ­նը կ’ըն­ձե­ռէ կա­տա­րե­լու նո­րա­կա­ռոյց ե­կե­ղեց­ւոյ օծ­ման հո­գե­նո­րոգ ա­րա­րո­ղու­թիւ­նը»,- ը­սաւ Գա­րե­գին Բ. Հայ­րա­պետ: