Յու­լիս 14ին Գա­րե­գին Բ. Ծայ­րա­գոյն Պատ­րիարք եւ Ա­մե­նայն Հա­յոց Կա­թո­ղի­կոս, Մայր Ա­թոռ Սուրբ Էջ­միա­ծի­նի «­Վա­չէ եւ Թա­մար Մա­նու­կեան» մա­տե­նա­դա­րա­նին մէջ, հան­դի­պում ու­նե­ցաւ Հա­յաս­տա­նի մէջ վե­րա­պատ­րաստ­ման դա­սըն­թաց­նե­րուն մաս­նակ­ցող սփիւռ­քա­հայ 62 ու­սու­ցիչ­նե­րու հետ: Այս մա­սին կը յայտ­նեն Մայր Ա­թո­ռի տե­ղե­կա­տո­ւա­կան հա­մա­կար­գէն:

Հան­դիպ­ման սկիզ­բը, Ք­րիս­տո­նէա­կան Դաս­տիա­րա­կու­թեան Կեդ­րո­նի տնօ­րէն Վար­դան Ե­պիս­կո­պոս Նա­ւա­սար­դեան ող­ջու­նեց եւ բա­րի գա­լուստ մաղ­թեց 14 եր­կիր­նե­րու հայ­կա­կան կրթա­կան հաս­տա­տու­թիւն­նե­րը ներ­կա­յաց­նող ու­սու­ցիչ­նե­րուն` յոյս յայտ­նե­լով, որ Ա­մե­նայն Հա­յոց Հայ­րա­պե­տի օրհ­նու­թեամբ ա­նոնք նոր լից­քե­րով կը շա­րու­նա­կեն ու­սու­ցի­չի վեհ ա­ռա­քե­լու­թիւ­նը:

Այ­նու­հե­տեւ հա­յա­գի­տա­կան ա­ռար­կա­ներ դա­սա­ւան­դող սփիւռ­քա­հայ ու­սու­ցիչ­նե­րուն իր օրհ­նու­թիւնն ու պատ­գա­մը բե­րաւ Գա­րե­գին Բ. Ա­մե­նայն Հա­յոց Կա­թո­ղի­կոս:

Նո­րին Սր­բու­թիւ­նը ու­րա­խու­թիւն յայտ­նեց, որ Հա­յաս­տա­նի մէջ սփիւռ­քա­հայ ու­սու­ցիչ­նե­րու վե­րա­պատ­րաստ­ման դա­սըն­թաց­նե­րը կը շա­րու­նա­կո­ւին եւ ա­ւե­լի մեծ թի­ւով ու­սու­ցիչ­ներ կը մաս­նակ­ցին ա­տոնց:

Վե­հա­փառ Հայ­րա­պե­տը վեր­յի­շեց նաեւ, որ ա­ռա­ջին տա­րի­նե­րուն վե­րա­պատ­րաստ­ման դա­սըն­թաց­նե­րը կը կազ­մա­կեր­պո­ւէին Մայր Ա­թոռ Ս. Էջ­միա­ծի­նի մէջ, Հ.Հ. Կր­թու­թեան եւ գի­տու­թեան նա­խա­րա­րու­թեան հետ գոր­ծակ­ցա­բար: