2016 թո­ւա­կա­նին Ա­նի կրնայ դրո­ւիլ UNESCOի մշա­կու­թա­յին ժա­ռան­գու­թեան մշտա­կան ցան­կին վրայ: Քա­ղա­քը 2012 թո­ւա­կա­նէն ընդգր­կո­ւած է UNESCOի ժա­մա­նա­կա­ւոր ցու­ցա­կին մէջ միայն: Ըստ ermenihaber.amի՝ թրքա­կան «Turktime» լրա­տո­ւա­կան կայ­քը կը յայտ­նէ, որ UNESCOի մշտա­կան ցան­կին մէջ ընդգր­կո­ւած են Թուր­քիոյ պատ­մամ­շա­կու­թեան ժա­ռան­գու­թեան 15 կո­թող:

Դա­սա­խօս Եըլ­դըզ Սալ­ման, որ կը մաս­նակ­ցի Թուր­քիոյ կող­մէ UNESCO յայ­տե­րու պատ­րաստ­ման, ընդգ­ծած է, որ UNESCO հա­մաշ­խար­հա­յին ժա­ռան­գու­թեան ցու­ցա­կին մէջ նոր կար­գեր ա­ւել­ցու­ցած է, ո­րոնց­մէ մէ­կը մշա­կու­թա­յին եր­թու­ղի­ներն են:

«­Բազ­մամ­շա­կոյթ Ա­րե­ւել­քի մէջ կա­րե­լի է ա­ռա­ւել տա­րա­ծո­ւած մշա­կու­թա­յին ժա­ռան­գու­թեան հա­մար նա­խա­գի­ծեր պատ­րաս­տել: Ինչ­պէս օ­րի­նակ` հայ­կա­կան մշա­կու­թա­յին եր­թու­ղին, որ կա­րե­լի է ձե­ւա­ւո­րել Կար­սէն մին­չեւ Վան, Գո­նիա` նե­րա­ռե­լով բո­լոր գիւ­ղերն ու ե­կե­ղե­ցի­նե­րը եւ այդ­պէս ներ­կա­յաց­նել UNESCO»,- ը­սած է Սալ­ման` տե­ղե­կաց­նե­լով, որ մէկ այլ տար­բե­րակ ալ հնա­րա­ւոր է, ե­թէ Հա­յաս­տան, Թուր­քիա եւ Վ­րաս­տան հա­մա­տեղ յու­շար­ձան­նե­րու մա­սով մէկ եր­թու­ղի ներ­կա­յաց­նեն` իւ­րա­քան­չիւ­րը իր տա­րած­քին մէջ ե­րաշ­խա­ւո­րե­լով ա­նոր պահ­պա­նու­թիւ­նը:

Սալ­ման խօ­սած է նաեւ Պոլ­սոյ Թուզ­լա­յի հայ­կա­կան ման­կա­տան պատ­կա­նող «Ար­մէն» Ճամ­բա­րի մա­սին: «Ըստ իս` «­Քամփ Ար­մէն»ը պէտք է ընդգր­կել ոչ-նիւ­թա­կան մշա­կու­թա­յին ար­ժէք­նե­րու մէջ: Խօս­քը միայն տա­րած­քի մա­սին չէ: Սա­կայն շէն­քը նոյն­պէս պէտք է պահ­պա­նել: Այդ շէն­քը ե­րե­խա­նե­րու ձեռ­քով կա­ռու­ցո­ւած է: Ճար­տա­րա­պե­տա­կան հան­ճա­րի ար­դիւնք չէ, սա­կայն, ըստ իս, այդ իսկ պատ­ճա­ռով՝ ա­նոր կա­ռուց­ման ըն­թաց­քը իր տե­սա­կին մէջ ե­զա­կի է, զայն պէտք է պահ­պա­նել»,- եզ­րա­փա­կած է Սալ­ման: