­Ռու­սիոյ նա­խա­գա­հի մամ­լոյ խօս­նակ Տ­միթ­րի Փէս­քով յայ­տա­րա­րած է, որ Հա­յաս­տա­նի մէջ ե­լեկտ­րա­կա­նու­թեան սա­կը չի կրնար քննար­կո­ւիլ Ռու­սիոյ Դաշ­նու­թեան հետ:

Ե­րեք­շաբ­թի օր՝ Յու­նիս 30ին, պա­տաս­խա­նե­լով լրագ­րող­նե­րու հար­ցու­մին, Փէս­քով մաս­նա­ւո­րա­պէս ը­սած է.- «Ե­լեկտ­րա­կա­նու­թեան սա­կա­գի­նը Հա­յաս­տա­նի ներ­քին հարցն է եւ ան­շուշտ չէր կրնար քննար­կո­ւիլ Ռու­սիոյ Դաշ­նու­թեան հետ»:

«Ա­զա­տու­թիւն» ձայ­նաս­փիւ­ռի կա­յա­նի փո­խանց­մամբ, Փէս­քով այս­պէ՛ս պա­տաս­խա­նած է, երբ լրագ­րող­նե­րը հար­ցու­ցած են, թէ Ռու­սիոյ եւ Հա­յաս­տա­նի նա­խա­գահ­նե­րուն` Վ­լա­տի­միր Փու­թի­նի եւ Սերժ Սարգ­սեա­նի մի­ջեւ կա­յա­ցած հե­ռա­խօ­սազ­րոյ­ցի ըն­թաց­քին ար­դեօք քննար­կո­ւա՞ծ է Հա­յաս­տա­նի մէջ տի­րող լա­րո­ւած ի­րա­վի­ճա­կը: Փէս­քով ը­սած է, թէ հար­ցը քննար­կո­ւած է երկ­կողմ յա­րա­բե­րու­թիւն­նե­րու ծի­րէն ներս:

«­Հիմ­նա­կա­նօ­րէն քննար­կո­ւած են երկ­կողմ յա­րա­բե­րու­թիւն­նե­րը, ո­րուն մա­սին մենք հա­ղոր­դած ենք»,- ա­ւել­ցու­ցած է ան:

Հա­յաս­տա­նի մէջ ե­լեկտ­րա­կա­նու­թեան սա­կը բարձ­րաց­նե­լու ո­րո­շու­մին շուրջ ստեղ­ծո­ւած ի­րա­վի­ճա­կին անդ­րա­դար­ձած է, նաեւ, «­Հա­յաս­տա­նի Ե­լեկտ­րա­կան Ցան­ցեր»ի (Հ.Ե.Ց.) 100տո­կո­սա­նոց սե­փա­կա­նա­տէր «Ին­թեր Ռաօ» ըն­կե­րու­թեան ղե­կա­վա­րը:

«­Հա­յաս­տա­նի ե­լեկտ­րա-ու­ժա­նիւ­թա­յին հա­մա­կար­գի բարդ ի­րա­վի­ճա­կին մէջ սա­կի բարձ­րաց­ման ո­րո­շու­մը զան­գո­ւա­ծա­յին բո­ղոք­նե­րու պատ­ճառ դար­ձաւ, որ բա­ցա­ռա­պէս տնտե­սա­կան պատ­ճառ­ներ ու­նի, այլ ոչ թէ քա­ղա­քա­կան: Այս­տեղ ո­րե­ւէ քա­ղա­քա­կա­նու­թիւն չկայ»,- ռու­սա­կան պե­տա­կան ԹԱՍՍ գոր­ծա­կա­լու­թեան ը­սած է «Ին­թեր Ռաօ»ի կա­ռա­վար­ման խոր­հուր­դի նա­խա­գահ Պո­րիս Քո­վալ­չուք:Ան նշած է, որ «­Հա­յաս­տա­նի Ե­լեկտ­րա­կան Ցան­ցեր» ըն­կե­րու­թիւ­նը այժմ կը գտնո­ւի ֆի­նան­սա­կան կա­յու­նու­թեան սահ­մա­նա­գի­ծին եւ հնա­րա­ւո­րու­թիւն չու­նի ժա­մա­նա­կին վճա­րե­լու ու­ժա­նիւ­թա­յին ձեռ­նար­կու­թիւն­նե­րուն՝ ա­նոնց­մէ ստա­ցած ե­լեկտ­րա­կա­նու­թեան դի­մաց:

Ըստ ա­նոր` Հ.Ե.Ց.ի կրած վնաս­նե­րուն պատ­ճա­ռը Հա­յաս­տա­նի մէջ գոր­ծող կար­գա­ւոր­ման հա­մա­կարգն է: Պո­րիս Քո­վալ­չուք ը­սած է, որ 11 տա­րի­նե­րու ըն­թաց­քին սա­կա­գի­նի ան­բա­ւա­րար բարձ­րա­ցու­մը, Մե­ծա­մո­րի հիւ­լէա­կան կա­յա­նի վե­րա­նո­րո­գու­մը, ջրաե­լեկտ­րա­կա­յան­նե­րու ե­լեկտ­րա­կա­նու­թեան ար­տադ­րու­թեան ծա­ւալ­նե­րու կրճա­տու­մը յան­գե­ցու­ցած են ի­րա­վի­ճա­կի մը, երբ երկ­րի բաշ­խիչ ցան­ցե­րու հա­մա­կար­գը 37 մի­լիառ դրա­մի ե­կա­մուտ չէ ստա­ցած: «Ա­սոնք են ստեղ­ծո­ւած ֆի­նան­սա­կան բարդ ի­րա­վի­ճա­կի հիմ­նա­կան պատ­ճառ­նե­րը»,- նշած է ան: