Ֆ­րան­սա­յի մէջ Հայ Մ­շա­կոյ­թի Զար­գաց­ման Ըն­կե­րակ­ցու­թիւ­նը՝ APCAF, գոր­ծակ­ցու­թեամբ՝ Ս. Մես­րոպ Կր­թա­րա­նի խնա­մա­կա­լու­թեան (AAG) եւ Ալ­ֆոր­վի­լի քա­ղա­քա­պե­տու­թեան, Շա­բաթ՝ Յու­լիս 4, ժա­մը 10.30ին բա­ ցու­մը կը կա­տա­րէ նո­րա­կա­ռոյց «­Գէորգ Ա­րա­պեան» նա­խակր­թա­րան-միջ­նա­կարգ վար­ժա­րա­նին: Հան­դի­սա­ւոր այս ա­րա­րո­ղու­թեան ներ­կայ պի­տի ըլ­լան Ֆ­րան­սա­յի վար­չա­պետ Մա­նո­ւէլ Վալս եւ Հա­յաս­տա­նի վար­չա­պետ Յո­վիկ Աբ­րա­հա­մեան, ինչ­պէս նաեւ Ալ­ֆոր­վի­լի ծե­րա­կու­տա­կան-քա­ղա­քա­պետ Լիւք Գար­վու­նաս եւ վար­ժա­րա­նի գլխա­ւոր բա­րե­րար Գէորգ Ա­րա­պեան: 
Այս բա­ցա­ռիկ շի­նու­թեան կա­ռու­ցու­մը կա­րե­լի դար­ձաւ շնոր­հիւ Թե­մի նախ­կին Ա­ռաջ­նորդ եւ APCAFի նա­խա­գահ Նոր­վան Արք. Զա­քա­րեա­նի նա­խա­ձեռ­նու­թեան եւ ջան­քե­րուն: 
Ծ­րագ­րի գան­ձատր­ման 90%ը ա­պա­հո­վո­ւած է ան­ձե­րու եւ ըն­կե­րակ­ցու­թիւն­նե­րու կող­մէ կա­տա­րո­ւած նուի­րատ­ուու­թիւն­նե­րով, ինչ­պէս նաեւ հիմ­նադ­րամ­նե­րու կող­մէ տրա­մադ­րո­ւած նպաստ­նե­րով, այս նպա­տա­կով կազ­մա­կեր­պո­ւած մշա­կու­թա­յին եւ գե­ղա­րո­ւես­տա­կան ձեռ­նարկ­նե­րէ ձեռք ձգո­ւած հա­սոյթ­նե­րով: 
Այս նոր կա­ռոյ­ցը թոյլ կու տայ ընդ­լայ­նու­մը ար­դէն գո­յու­թիւն ու­նե­ցող Սուրբ Մես­րոպ կրթա­րա­նին, որ կը գոր­ծէ Ֆ­րան­սա­յի Ազ­գա­յին կրթու­թեան հետ յա­տուկ պայ­մա­նագ­րի դրու­թեամբ: Հարկ է ծրագ­րի գան­ձատր­ման մնա­ցեալ մա­սին առ­նո­ւազն 7,5%ը եւս ե­րաշ­խա­ւո­րել: 
­Շէն­քին կա­ռու­ցու­մը սկսած էր 2013ին: Ճար­տա­րա­պե­տա­կան աշ­խա­տանք­նե­րը ստանձ­նեց «­Յա­կո­բեան» ճար­տա­րա­պե­տա­կան գրա­սե­նեա­կը, որ ծա­նօթ է իր փոր­ձա­ռու­թեամբ եւ վար­պե­տու­թեամբ: Նոր վար­ժա­րա­նի ծրա­գի­րը յատ­կա­պէս պէտք է ող­ջու­նել իր այն յատ­կու­թեան հա­մար, որ ան կը մէկ­տե­ղէ եր­կու դպրոց՝ նա­խակր­թա­րան եւ միջ­նա­կարգ, լա­ւա­գոյնս օգ­տա­գոր­ծե­լով սահ­մա­նա­փակ մա­կե­րե­սը, ուր տե­ղա­ւո­րո­ւած են 10 դա­սա­րան­ներ:
­Դէ­պի Սէն գե­տը յա­ռող շի­նու­թիւ­նը օժ­տո­ւած է շրջա­պա­տի տե­սան­կիւ­նէն ա­մէ­նէն ո­րա­կա­ւոր, ու­ժա­նիւ­թի խնա­յո­ղու­թիւն ա­պա­հո­վող նիւ­թե­րէ: Այս վար­ժա­րա­նին մէջ տղա­քը բախ­տը պի­տի ու­նե­նան ու­սա­նե­լու, իսկ ու­սու­ցիչ­նե­րը դա­սա­ւան­դե­լու լա­ւա­գոյն պայ­ման­նե­րու մէջ՝ ա­նոնք ըլ­լան կեն­ցա­ղա­յին, թէ ու­սում­նա­կան: 
­Նո­րա­կա­ռոյց այս շէն­քը թոյլ պի­տի տայ դի­մագ­րա­ւե­լու շրջա­նի նոր ա­շա­կերտ­նե­րու ըն­դուն­ման հետզ­հե­տէ ա­ւել­ցող պա­հան­ջը, բայց նաեւ՝ բա­նա­լու միջ­նա­կարգ բաժ­ին մը: Ծ­րա­գի­րը վա­րած, գան­ձատ­րած եւ ի­րա­գոր­ծած է APCAFը՝ նե­ցու­կը վա­յե­լե­լով ներ­կայ դպրո­ցի խնա­մա­կա­լու­թեան (AAG), ո­րուն պի­տի յանձ­նէ յան­ձան­ձու­մը (gestion) 2015 Սեպ­տեմ­բե­րէն սկսեալ: 
Գլ­խա­ւոր քա­նի մը թի­ւեր.- 4,5 մի­լիոն եւ­րօ: Ծ­րագ­րին ընդ­հա­նուր գու­մա­րը: 1585 քա­ռ. մեթր. նոր վար­ժա­րա­նին ամ­բող­ջա­կան մա­կե­րե­սը: 24 ա­միս. աշ­խա­տու­թիւն­նե­րու տե­ւո­ղու­թիւ­նը: 3. յար­կե­րու թի­ւը (գետ­նա­յարկ + եր­կու յարկ):