­Յու­նիս 4-6ին, ­Վան քա­ղա­քին մէջ, տե­ղի ու­նե­ցած է ­Մի­ջա­գետ­քի Բժշ­կա­կան ­Միու­թեան եւ ­Վա­նի ­Հաք­քա­րի Բժշ­կա­կան ­Կա­ճա­ռի միաս­նա­բար կազ­մա­կեր­պած բժշկա­գի­տա­կան Է., ա­տամ­նաբժշկա­գի­տա­կան Բ. եւ դե­ ղա­գոր­ծա­գի­տա­կան Ա. գի­տա­ժո­ղով­նե­րը, ո­րոնց մաս­նակ­ցած են 13 եր­կիր­նե­րէ ա­ւե­լի քան 700 մաս­նա­կից­ներ՝ ի­րենց 105 գի­տա­կան զե­կոյց­նե­րով։ ­Գի­տա­ժո­ղո­վին մաս­նակ­ցած են նաեւ 3 հայ բժիշկ­ներ, 3 հայ ա­տամ­նա­բոյժ­ներ եւ 1 հայ դե­ղա­գործ (­Մա­րիամ ­Սար­գի­սեան, Ի­րաք), ո­րոնք հան­դէս ե­կած են հե­տե­ւեալ նիւ­թե­րով.- «Շր­թունք­նե­րու եւ ­Քիմ­քե­րու ­Ճեղ­քե­րը» (ա­տամ­նա­բոյժ ­Թո­րոս Ալ­ճան), «Ե­րի­կա­մի ­Զար­կե­րա­կի ­Սեղ­մում» (տոքթ. Ա­րա Ու­ղուր­լեան), «­Հի­ւան­դա­նո­ցի ­Հի­ժէն ու Ա­ռող­ջա­պա­հու­թիւն» (տոքթ. ­Համ­բար­ձում ­Մէր­կէ­րեան), իսկ գի­տա­ժո­ղո­վի հա­յե­րէն բաժ­նի վա­րիչ տոքթ. ­Սար­գիս Ա­տամ՝ «­Պար­բե­րա­կան ­Հի­ւան­դու­թիւն-­Հայ­կա­կան ­Հի­ւան­դու­թիւն» նիւ­թով։ ­Բո­լոր բժիշ­նե­րը ի­րենց զե­կոյց­նե­րը ներ­կա­յա­ցու­ցած են հա­յե­րէն լե­զո­ւով։ ­Հայ բժիշկ­նե­րու կող­մէ հա­յե­րէն լե­զո­ւով ներ­կա­յա­ցո­ւած զե­կու­ցում­նե­րը դար­ձած են ներ­կա­նե­րու ու­շադ­րու­թեան ու հե­տաքրքրու­թեան կի­զա­կէ­տը՝ ար­ժա­նա­նա­լով գի­տա­ժո­ղո­վի կազ­մա­կեր­պիչ­նե­րու բարձր գնա­հա­տան­քին։ ­Գի­տա­ժո­ղո­վի ա­ւար­տին, կազ­մա­կեր­պիչ մարմ­նին կող­մէ հրա­տա­րա­կո­ւած է միա­ցեալ ամ­փո­փա­գիր մը, ուր յի­շո­ւած են ­Մի­ջին Ա­րե­ւել­քի մէջ ապ­րող ժո­ղո­վուրդ­նե­րու տա­ռա­պանք­ներն ու ող­բեր­գու­թիւն­նե­րը, նշո­ւած է նաեւ մար­դու կեան­քին եւ մար­դու ա­ռող­ջու­թեան, խա­ղա­ղու­թեան եւ եղ­բայ­րու­թեան կա­րե­ւո­րու­թիւ­նը։