­Ճա­բո­ն­ցի մաս­նա­գէտ­ներ այս տա­րի ցան­կու­թիւն յայտ­նած են ա­ռա­ջին ան­գամ հայ մաս­նա­գէտ­նե­րու հետ հա­մա­տեղ պե­ղում­ներ ի­րա­կա­նաց­նելու Հա­յաս­տա­նի տա­րած­քին:

Պե­ղում­նե­րը պի­տի ի­րա­կա­նա­ցո­ւին Ա­րա­րա­տեան դաշ­տի եւ Ա­րա­գա­ծի նա­խա­լեռ­նա­յին շրջան­նե­րու մէջ ար­ձա­նագ­րո­ւած շարք մը կա­ռոյց­նե­րու ու­սում­նա­սի­րու­թեան նպա­տա­կով, ո­րոնք, ըստ ե­րե­ւոյ­թին, կրնան տո­ւեալ­ներ տալ քա­րէ դա­րու (մաս­նա­ւո­րա­պէս` նոր քա­րէ դա­րու (նէո­լիթ) եւ պղնձի­քա­րի դա­րու (է­նէո­լիթ) ժա­մա­նակ­նե­րուն վե­րա­բե­րեալ:

Հ­նա­գի­տու­թեան եւ ազ­գագ­րու­թեան հիմ­նար­կի տնօ­րէն Պա­ւել Ա­ւե­տի­սեա­նը, ո­րուն խօս­քով նոր կա­ռոյց­նե­րը ար­ձա­նագ­րո­ւած չեն ե­ղած որ­պէս յու­շար­ձան­ներ եւ նե­րա­ռո­ւած չեն հան­րա­պե­տու­թեան յու­շար­ձան­նե­րու ցան­կե­րուն մէջ:

«­Ցան­կա­նում ենք դաշ­տա­յին հե­տա­զօ­տա­կան աշ­խա­տանք­ներ կա­տա­րել եւ հաս­կա­նալ իս­կա­պէս մեր նախ­նա­կան դի­տար­կում­նե­րը ար­դա­րաց­ւո՞ւմ են, ար­դեօք դրանք իս­կա­պէս յու­շար­ձան­նե՞ր են եւ ի՞նչ բնոյ­թի յու­շար­ձան­ներ»,-­ նշած է Ա­ւե­տի­սեա­նը: Հայ-­ճա­բո­նա­կան հա­մա­տեղ ծրա­գի­րը կ­՛ի­րա­կա­նա­ցո­ւի Քա­նա­զա­ւա­յի հա­մալ­սա­րա­նի մաս­նա­գէտ­նե­րու հետ: 2015 թո­ւա­կա­նի հա­մար Հ­նա­գի­տու­թեան եւ ազ­գագ­րու­թեան հիմ­նար­կը նա­խա­տե­սած է ներ­կա­յաց­նել 28 յայտ այս տա­րի հան­րա­պե­տու­թեան տար­բեր մար­զե­րու մէջ տար­բեր ժա­մա­նակ­նե­րու 28 յու­շար­ձան­նե­րու պեղ­ման եւ ու­սում­նա­սիր­ման աշ­խա­տանք­ներ կա­տա­րե­լու հա­մար: Պե­ղում­ներ նա­խա­տե­սած են նաեւ Մ­շա­կոյ­թի նա­խա­րա­րու­թեան պատ­մամ­շա­կու­թա­յին ժա­ռան­գու­թեան ու­սում­նա­սի­րու­թեան կեդ­րո­նը մօտ 10 յայտ եւ Շի­րա­կի երկ­րա­գի­տա­կան թան­գա­րանն ու Գի­տու­թիւն­նե­րու ազ­գա­յին ա­կա­դե­միա­յի Շի­րա­կի հե­տա­զօ­տու­թիւն­նե­րու կեդ­րո­նը մօտ 2­3 յայտ:

Ինչ­պէս տե­ղե­կա­ցու­ցած է Պա­ւել Ա­ւե­տի­սեա­նը, ներ­կա­յա­ցո­ւած յայ­տե­րուն մե­ծա­մաս­նու­թիւ­նը շա­րու­նա­կա­կան ու­սում­նա­սի­րու­թիւն­նե­րու ծրա­գի­րով նա­խա­տե­սո­ւած յայ­տեր պի­տի ըլ­լան: Այ­սինքն` պի­տի վե­րա­բե­րին նա­խա­պէս կա­տա­րո­ւած աշ­խա­տանք­նե­րուն հա­յոց մայ­րա­քա­ղաք­նե­րու, տար­բեր ժա­մա­նակ­նե­րով թո­ւագ­րո­ւող յու­շար­ձան­նե­րու ու­սում­նա­սի­րու­թիւնն­նե­րուն կամ հա­մա­տեղ ծրա­գիր­նե­րով տաս­նեակ տա­րի­ներ ի­րա­կան­ցո­ւող ծար­գիր­նե­րուն: