Հայոց ցեղասպանութեան ամբողջ արհաւիրքը իր մաշկին վրայ զգացած Աուրօրա Մարտիկանեանի (Արշալոյս Մարտիկեան) յուշերու հիման վրայ 1918 թուականին Հոլիվուտի մէջ նկարահանուած Հայոց ցեղասպանութեան մասին պատմող առաջին գեղարուեստական շարժանկարին
մասին կը նկարահանուի փաստավաւերագրական ֆիլմ: Նոր ֆիլմին հեղինակն ու արտադրողը Հայոց ցեղասպանութեան թանգարան հիմնարկն է: Ինչպէս՝ ըստ «Արմէնփրես-ի՝ կը յայտնեն Հայոց ցեղապանութեան թանգարանի հիմնարկէն, Փետրուար 5-ին ներկայացուած է նկարահանուող շարժանկարի առաջին պաշտօնական ծանուցումը. շարժանկարը պատրաստ պիտի ըլլայ մինչեւ տարեվերջ: Արշալոյսը Մարտիկեաններու բազմադամ ընտանիքի երրորդ զաւակն էր: Անհոգ մանկութիւն, անխռով ընտանեկան կեանք, ջութակահար դառնալու մանկական երազանք… Գործի դրուեցու հայերու բնաջնջման հրէշաւոր նախագիծը: 1915 թուական, Յունիս…
Արշալոյսը 14 տարեկան էր: Բռնագաղթ, կոտորածներ, բռնի թրքացում…Արշալոյսը եւ մանկահասակ այլ աղջիկներ առեւանգուեցան գաղթի ճանապարհէն: Արշալոյսը յաջողեցաւ փախչիլ հարեմէն: Երկու տարուան ընթացքին ան անցաւ շուրջ 600 քմ., 85 սենթով վաճառուեցաւ Մալաթիոյ, Ուրֆայի եւ Մուշի ստրկավաճառներու շուկաներուն մէջ, անցաւ սարսափներով լի երկար ճանապահ եւ…ան յայտնուեցաւ ԱՄՆ, ուր հրատարակուեցաւ անոր յուշագրութիւնը` “Յօշոտուած Հայաստան”-ը, որուն հիման վրայ ալ նկարահանուեցաւ Հայոց ցեղապսանութեան մասին պատմող առաջին գեղարուեստական շարժանկարը, որուն գլխաւոր դերը նոյնինքն ան էր` Արշալոյս Մարտիկեանը` Աուրօրա Մարտիկանեանը: Շարժանկարը բացառիկ յաջողութիւն ունեցաւ, 30 միլիոն տոլարի հասոյթ, որ տրամադրուեցաւ Մերձաւոր Արեւելքի 60 հազար հայ որբերու կենսապահովման համար:
Արշալոյս Աուրորայի պատմութիւնը եւ շարժանկարը փակի տակ դրուեցան ու մոռցուեցան, մոռցուեցաւ նաեւ Աուրօրան: Ան մահացաւ մենութեան մէջ` մերժուած բոլորի կողմէ: Բայց ան պիտի յայտնուի նոր առաքելութեամբ ու նոր պատգամով: