Հայ առաքելական եկեղեցւոյ վիրահայոց թեմը ուսումնասիրած է Հայաստանի ազգային արխիւը եւ առաջին անգամ ըլլալով Վրաստանի կառավարութեան ներկայացուցած է մինչեւ Խորհրդային կարգերու հաստատումը Վրաստանի մէջ գործած հայկական եկեղեցիներու ստոյգ թիւը: Վրաստանի կառավարութեան կրօնական հարցերով զբաղող պետական գործակալութեան ուղարկուած նամակին մէջ թեմը ներկայացուցած է համապարփակ տեղեկատուութիւն Վրաստանի մէջ մինչեւ խորհրդային կարգերու հաստատումը գործած 442 եկեղեցիներու մասին:
Ըստ “Արմէնփրես”-ի՝ Հայ առաքելական եկեղեցւոյ Վրահայոց թեմի մամուլի խօսնակ Սուսաննա Խաչատրեան ըսած է, որ մինչ այդ թեմը Վրաստանի կառավարութեան ներկայացուցած էր միայն գործող եկեղեցիներուն ցանկը:
“Այս ցուցակում ներառուած են Վրաստանի հայկական բոլորը եկեղեցիները` գործող, խոնարհուած, արդէն փլատակների վերածուած եւ վրացականացուած: Այս կերպ թեմը Վրաստանի կառավարութիւնից պահանջում է ետ վերադարձնել իրեն պատկանող սեփականութիւնը` հաշուի առնելով այն հանգամանքը, որ Վրաստանի ներկայիս պետութիւնը Խորհրդային Վրաստանի իրաւայաջորդն է: Եկեղեցիները քանդւում են, աւերւում: Ժամանակն իր ազդեցութիւնն է թողնում նրանց վրայ, եւ եթէ այդ կառոյցների պահպանութեան համար միջոցառումներ չձեռնարկուեն` տարիներ անց այդ եկեղեցիները չեն լինի: Անհրաժեշտ է հոգալ դրանց մասին, եւ թեմը պահանջում է այդ եկեղեցիների վերադարձ` դրանց մասին հոգ տանելու ցանկութիւնից դրդուած”,֊ ըսած է Սուսաննա Խաչատրեանը` աւելցնելով, որ Վրաստանի կառավարութենէն ստացած են պատասխան, որ այդ հարցով կը զբաղի Կրօնական հարցերով պետական գործակալութիւնը, եւ իրենք կը քննեն հարցին պատմական եւ իրաւական դրոյթները: “Յոյս ունենք, որ հարցը կը գտնի արդարացի լուծում, եւ թեմը կը կարողանայ տէր կանգնել այդ եկեղեցիներին”,֊ ըսած է Սուսաննա Խաչատրեանը:
Վերջինիս փոխանցմամբ` մէկ տարուան ձգձգումներէն ետք Վրաստանի կառավարութիւնը մասնակիօրէն կատարած է դեռ նախորդ տարուան Յունուարին կառավարութեան ընդունած որոշումը, համաձայն որուն՝ Վրաստանի մէջ գործող կրօնական բոլոր փոքրամասնութիւնները պէտք է փոխհատուցում ստանան խորհրդային տարիներուն կրած ճնշումներուն եւ արգելքներուն համար:
“Նախնական գումարը 4.5 միլիոն լարի էր, յետոյ` 3.5 միլիոն, վերջում այդ գումարը դարձաւ 1.5 միլիոն: Գումարը բաշխուեց կրօնական մի քանի համայնքների միջեւ եւ Վիրահայոց թեմին հասել է 300.000 վրացական լարի”,֊ ըսած է Սուսաննա Խաչատրեանը` աւելցնելով, որ այդ գումարը կը ծախսուի թեմի կարիքները հոգալու համար: