Ֆրանսահայ շարժապատկերի ժապաւէնի բեմադրիչ Սերժ Աւետիքեան ֆիլմ մը պիտի նկարահանէ Հայաստանի սահմանային գիւղերէն մէկուն մէջ։ Աւետիքեան «Արմէնփրէս»ի հետ զրոյցին ընթացքին նշեց, որ կ’աշխատի նոր խաղարկային ֆիլմի ստեղծման ուղղութեամբ։ «Աշխատանքները կը սկսին յաջորդ տարի։ Նոր ժապաւէնը զաւեշտ մըն է, որուն պատմութիւնը գրած եմ ֆրանսացի դերասանի մը հետ։ Ան կը մարմնաւորէ հերոս մը, որ կը կորսուի Հայաստանի սահմանային գիւղերէն մէկուն մէջ։ Ժապաւէնը թեթեւ ձեւով շատ բաներ կը շօշափէ։ Ան կը ներկայցնէ, թէ ինչ կը նշանակէ սահմանին վրայ ապրիլ, շփումի մէջ մտնալ մարդու մը հետ, որու լեզուն չես խօսիր եւայլն», -նշեց բեմադրիչը։ Սերժ Աւետիքեանի խօսքով՝ ժապաւէնը կը նկարահանուի Խաչիկ գիւղին մէջ -Վայոց Ձոր-։ «Շատ հետաքրքրական գիւղն է՝ Նախիջեւանի սահմանին վրայ, անշուշտ չենք ըսեր թէ գործողութիւնները հոն կը կատարուին, բայց կ’օգտագործուի բնութիւնը», -յայտնեց Աւետիքեանը։