Մա­յիս 18ի թո­ւա­կիր յայ­տա­րա­րու­թեամբ մը, Հ.Յ.Դ. Եւ­րո­պա­յի Հայ Դա­տի Յանձ­նա­խում­բը կը տե­ղե­կաց­նէ, թէ ո­րո­շած է նե­ցուկ կանգ­նիլ Թուր­քիոյ մէջ Յու­նիս 7ին կա­յա­նա­լիք խորհըր­դա­րա­նա­կան ընտ­րու­թեանց մաս­նակ­ցող քրտա­մէտ Ժո­ղո­վուրդ­նե­րու Ժո­ղովր­դա­վա­րա­կան Կու­ սակ­ցու­թեան ընտ­րա­պայ­քա­րին, միա­ժա­մա­նակ կոչ ը­նե­լով Եւ­րո­պա­յի տա­րած­քին բնա­կող Թուր­քիոյ քա­ղա­քա­ցի­նե­րուն, որ նշեալ կու­սակ­ցու­թեան ի նպաստ քո­ւէար­կեն։ Հ.Յ.Դ. Եւ­րո­պա­յի Հայ Դա­տի Յանձ­նա­խում­բը կը շեշ­տէ, որ այս ո­րո­շու­մը տրո­ւած է՝ նկա­տի ու­նե­նա­լով այն ի­րո­ղու­թիւ­նը, որ շարք մը հար­ցե­րու մէջ եր­կու կող­մե­րուն պաշտ­պա­նած ար­ժէք­ներն ու մօ­տե­ցում­նե­րը ի­րա­րու կը հա­մա­պա­տաս­խա­նեն։ Առ այդ, Հայ Դա­տի Յանձ­նա­խում­բը քրտա­մէտ կու­սակ­ցու­թիւ­նը կը նկա­տէ Թուր­քիոյ քա­ղա­քա­կան կեան­քին մէջ յա­ռա­ջա­դէմ ուժ մը, որ կը փոր­ձէ երկ­րի ի­րա­ւազր­կո­ւած ժո­ղո­վուրդ­նե­րուն ի­րա­ւունք­նե­րը պաշտ­պա­նել։ Եւ­րո­պա­յի Հայ Դա­տի Յանձ­նա­խում­բը նաեւ յոյս կը յայտ­նէ, որ Թուր­քիոյ իշ­խա­նու­թիւն­նե­րը կ­՛ե­րաշ­խա­ւո­րեն ա­զատ եւ ար­դար ընտ­րա­պայ­քար­նե­րու եւ ընտ­րու­թեանց կա­յա­ցու­մը, յա­ջո­ղու­թիւն մաղ­թե­լով քրտա­մէտ կու­սակ­ցու­թեա­ն։