Մա­յիս 5-ին Ս­պա­նիոյ Ծե­րա­կոյ­տի ան­դամ Ուր­կօ Ա­յարթ­ցան եւ Ս­պա­նիոյ Գոնկ­րէ­սի ան­դամ Ռա­ֆա­յէլ Լառ­ռէի­նան այ­ցե­լած են Ծի­ծեռ­նա­կա­բեր­դի յու­շա­հա­մա­լիր` յար­գան­քի տուրք մա­տու­ցե­լու Հա­յոց Ցե­ղաս­պա­նու­

թեան զո­հե­րու յի­շա­տա­կին: Ա­նոնք ծա­ղիկ­ներ դրած են Ցե­ղաս­պա­նու­թեան յու­շա­հա­մա­լի­րին եւ շրջայց կա­տա­րած Հա­յոց Ցե­ղաս­պա­նու­թեան թան­գա­րա­նէն ներս:

“­Բո­լոր մար­դիկ եւ այն եր­կիր­նե­րը, ո­րոնք ար­դա­րու­թեան կողմ­նա­կից են, պէտք է ճանչ­նան Հա­յոց ցե­ղաս­պա­նու­թիւ­նը”,- Ծի­ծեռ­նա­կա­բեր­դի յու­շա­հա­մա­լիր կա­տա­րած այ­ցե­լու­թեան ժա­մա­նակ Armenpress-ին տրո­ւած հար­ցազ­րոյ­ցին ը­սած է Ռա­ֆա­յէլ Լառ­ռէի­նան:

Գոր­ծա­կա­լու­թեան հետ զրոյ­ցին Ռա­ֆա­յէլ Լառ­ռէի­նան, մաս­նա­ւո­րա­պէս, նշած է. – Պաս­կե­րու երկ­րի խորհր­դա­րա­նը` այն խորհր­դա­րանն է, որ կը ներ­կա­յաց­նէ պասկ ժո­ղովուր­դը, ճանչ­ցած է զայն: Այս է պատ­ճա­ռը, որ փափաքեցանք ներ­կայ գտնո­ւիլ յու­շա­հա­մալի­րին մէջ` հրա­պա­րա­կայ­նօ­րէն յայ­տա­րա­րե­լով մեր ճա­նաչ­ման մա­սին, յար­գան­քի տուրք մա­տու­ցե­լու եւ յայ­տա­րա­րե­լու, որ կը կի­սենք ցա­ւը եւ կոչ ը­նե­լու ճանչ­նալ Հա­յոց Ցե­ղաս­պա­նու­թիւ­նը ա­նոնց, ո­րոնք դեռ չեն ճանչ­ցած զայն, քա­նի որ սա մար­դա­սի­րու­թեան ու ժո­ղովր­դա­վա­րու­թեան, ինչ­պէս նաեւ` մար­դոց մի­ջեւ հա­մե­րաշ­խու­թեան հարց է:

-Պաս­կե­րու երկ­րի խորհր­դա­րա­նը ճանչ­ցած է Հա­յոց ցե­ղաս­պա­նու­թիւ­նը: Ո­րե­ւէ բա­նա­ձեւ պի­տի ներ­կա­յա­ցո­ւի՞ ար­դեօք Ս­պա­նիոյ խորհր­դա­րա­նին մէջ:

-Իբ­րեւ պասկ հա­սա­րա­կու­թեան ներ­կա­յա­ցու­ցիչ­ներ` մենք այս հար­ցը պի­տի բարձ­րաց­նենք այն բո­լոր հար­թակ­նե­րէն, ուր կ’աշ­խա­տինք: Բ­նա­կա­նա­բար, մենք պի­տի աշ­խա­տինք սպա­նա­կան հաս­տա­տու­թիւն­նե­րու հետ, իբ­րեւ Ս­պա­նիո­յ կա­ռա­վա­րու­թիւնն ու հաս­տա­տու­թիւն­նե­րը ճանչ­նան Հա­յոց Ցե­ղաս­պա­նու­թիւ­նը, որ­պէս­զի ա­նոնք կի­սեն ցաւն ու միա­նան ցե­ղաս­պա­նու­թիւ­նը ճանչ­ցած եւ­րո­պա­կան պե­տու­թիւն­նե­րուն: Պի­տի ը­նենք հնա­րա­ւո­րը, որ այս ա­նար­դա­րու­թիւ­նը եր­բեք չկրկնո­ւի: Մենք մի քա­նի շա­բաթ ա­ռաջ հա­սանք ա­նոր, որ խորհր­դա­րա­նի ար­տա­քին յա­րա­բե­րու­թիւն­նե­րու յանձ­նա­ժո­ղո­վէն ներս լռու­թեան րո­պէով յար­գո­ւի Ցե­ղաս­պա­նու­թեան զոհե­րու յի­շա­տա­կը, բայց մենք կը ցան­կանք ու­նե­նալ լիա­գու­մար նիս­տի հա­մա­ձայ­նու­թիւն Ցե­ղաս­պա­նու­թեան ճա­նաչ­ման վե­րա­բե­րեալ: