Յու­նա­կան եւ կիպ­րա­կան մա­մու­լը ար­ձա­գանգ կը հան­դի­սա­նան Կիպ­րո­սի խորհր­դա­րա­նէն ներս ներ­կա­յա­ցո­ւած բա­նա­ձե­ւի մը, ո­րու հի­մամբ՝ քրէա­կան հե­տապն­դու­մի եւ դա­տա­պար­տու­մի ար­ժա­նի պի­տի նկա­տո­ւի Հա­յոց ցե­ ղաս­պա­նու­թեան մեր­ժու­մը։ Օ­րի­նա­գի­ծը խորհր­դա­րա­նի ի­րա­ւա­կան յանձ­նա­խում­բին կող­մէ քննար­կո­ւե­ցաւ ե­րէկ Եր­կու­շաբ­թի օր, մինչ խորհըր­դա­րա­նա­կան­նե­րու մե­ծա­մաս­նու­թիւ­նը կ­’ու­զէ քննար­կում­նե­րը ա­ւար­տել մին­չեւ Հինգ­շաբ­թի օր, երբ Կիպ­րոս պի­տի այ­ցե­լէ Հա­յաս­տա­նի Հան­րա­պե­տու­թեան նա­խա­գահ Սերժ Սարգ­սեա­նը։ Ինչ­պէս յայտ­նի դար­ձաւ, օ­րի­նա­գի­ծի նախ­նա­կան բա­նա­ձե­ւը ա­ռա­ջին հեր­թին ստո­րագ­րո­ւե­ցաւ խորհր­դա­րա­նա­կան բո­լոր ու­ժե­րուն կող­մէ։ Ք­րէա­կա­նա­ցու­մը կը վե­րա­բե­րի Մի­ջազ­գա­յին Դա­տա­կան Ա­տեա­նի կող­մէ ճանչ­ցո­ւած ցե­ղաս­պա­նու­թիւն­նե­րուն եւ ռազ­մա­կան ո­ճիր­նե­րուն, բայց նաեւ ցե­ղաս­պա­նու­թիւն­նե­րուն որ ճանչ­ցո­ւած են Կիպ­րո­սի Ներ­կա­յա­ցու­ցիչ­նե­րու Տան կող­մէ, ինչ­պի­սին են Հա­յոց եւ Յու­նաց Ցե­ղաս­պա­նու­թիւն­նե­րու պա­րա­գա­նե­րը։ Ինչ­պէս ծա­նօթ է նման օ­րի­նա­գիծ ար­դէն որ­դեգրուած է Զո­ւի­ցե­րիոյ, Ս­լո­քա­քիոյ եւ Յու­նաս­տա­նի կող­մէ։ Կիպ­րո­սի մէջ խորհր­դա­րա­նի նա­խա­գահ Եա­նա­քիս Օ­մի­րու ջերմ զօ­րա­կիցն է բա­նա­ձե­ւին, ինչ­պէս ինք յայտ­նած էր ան­ցեալ տա­րո­ւայ Նո­յեմ­բե­րին, երբ պաշ­տօ­նա­կան այ­ցե­լու­թեամբ Ե­րե­ւան կը գտնուէր։ Այսու­հան­դերձ քննար­կում­նե­րը կը շա­րու­նա­կո­ւին, քա­նի որ վերջ­նա­կան ձե­ւա­կեր­պու­մի յան­գած չէ խորհր­դա­րա­նը։ 

Կիպ­րո­ս իր այս քայ­լով կ’ու­զէ բա­ցա­յայտ իր զօ­րակ­ցու­թիւ­նը յայտ­նել Հա­յաս­տա­նին եւ հայ ժո­ղո­վուր­դին, Հա­յոց Ցե­ղաս­պա­նու­թեան 100ա­մեակին ա­ռի­թով։