Սուրիահայ երկու երիտասարդ մարզիկներ՝   Գրիգոր Մովսէսեան եւ Անի Ափկիւլեան, Դամասկոսի մէջ տիրացան Սուրիոյ երկսեռ զոյգի թենիսի ախոյենութիւնը։

Ատրպատականի հայոց առաջնորդ՝ Վարդան  վրդ. Տէմիրճեան կը գրէ հետեւեալները.- 1903 թուին Ամենայն հայոց վեհափառ կաթողիկոս երջանկայիշատակ Խրիմեան Հայրիկի հաստատուած կանոնադրութեան հիման վրայ 4 տարի մի անգամ պիտի ընտրուին Ատրպատականի հայոց կրօնական, եկեղեցական, դպրոցական, կալուածական, ժառանգական գործերը վարելու համար Թեմական Պատգամաւորական ժողովի անդամներ եւ նրա գործադիր մարմին՝ Թեմական խորհուրդ, գաւառների եւ գիւղերի գործակալական խորհուրդներ, գիւղական դըպրոցների հոգաբարձութիւններ եւ եկեղեցական վարչութիւններ: Ահա 1964-ի ընթացքում այդ բոլոր ընտրութիւնները պիտի կատարուին գիւղերում, գաւառներում եւ քաղաքներում հետեւեալ կարգով: Մինչեւ մի հազար հոգին պիտի ընտրի մի պատգամաւոր Թեմական ժողովի համար: Ընտրութիւնները պիտի կատարուին Թաւրիզում եւ գաւառներում Յունուարի 10-15-ին: Թեմի բոլոր գիւղերը պիտի ընտրեն իրենց հոգաբարձութիւնները եւ երեսփոխները, շըրջանները գործակալական խորհուրդները՝ նոյնպէս չորս տարի ժամանակով, Յունուար ամսում:

Պարբերական մամուլի պատկերը Հայաստանի մէջ կը ներկայացնէ Խ. Գէորգեան «Սով. Հայաստանի» Հոկտեմբեր 20ի թիւին մէջ ըսելով թէ թերթերու եւ պարբերաթերթերու բաժանորդներու թիւը անցեալ տարուան համեմատութեամբ, այս տարի աւելցած է 77.000ով. բաժանորդներու թիւը, հազար անձի վրայ միջին հաշուով եղած է 417։ Անցեալ տարի՝ 388։ Այնուամենայնիւ, որոշ շրջաններու մէջ խիստ ցած է մամուլի տարածման այս տարուան ցուցանիշը։ Մարտունի՝ հազար անձի վրայ 161, Կրասնոսելսկի՝ 253, Բասարգեչար՝ 254, Շամշադին՝ 238, Հրազդան՝ 268, Ապարան՝ 270, եւայլն։