Print
Category: «Ազատ Օր»ի նիւթերէն՝ 50 տարի առաջ

- Ներկայ հնգամեակի վերջաւորութեան՝ պղինձի արտադրութիւնը պիտի կրկնապատկուի Հայաստանի մէջ։ Արդիւնաբերական նոր ձեռնարկութիւններ կը կառուցուին ներկայիս։ Զանգեզուրի մէջ, շուտով կþաւարտի պղինձի ճոխացման կարեւոր գործարանի մը կառուցումը։ Մեծ յոյսեր կապուած են նոյնանման ուրիշ գործարանի մը, որ կը կառուցուի Հայաստանի պղինձի զտման կեդրոն Ալավերտիի մօտ։ Ալավերտիի քիմիական ու պղինձի գործարանախումբը վերակառուցումի մէջ է։ Հանրապետութեան ամէնէն հին արդիւնաբերական ձեռնարկութիւններէն մէկը հանդիսացող այս ձեռնարկութիւնը մեծ չափով պիտի աւելցնէ իր արտադրութիւնը։

- Ուրախութեամբ կþիմանանք, թէ յայտնի գրագէտ Համաստեղի ծննդեան 70ամեակին առթիւ, ամերիկահայ կարգ մը մտաւորականներ նախաձեռնարկ եղած են Ամերիկայի եւ արտասահմանեան երկիրներու մէջ արժանավայել շուքով յարգանքի եւ յոբելինական հանդէսներ կազմակերպելու։ Նախաձեռնարկ մտաւորականները մօտ ատենէն պիտի ստեղծեն Կեդրոնական Յանձնախումբ մը, որպէսզի թէ Միացեալ Նահանգներու եւ թէ արտասահմանեան գլխաւոր երկիրներու մէջ յոբելինական հաւաքոյթներ կազմակերպուին։ Համաստեղ ¥իսկական անունով Համբարձում Կելէնեան¤ ծնած է Խարբերդի Փերչէնճ գիւղը 1895ին։ Առաջին Աշխարհամարտի նախօրեակին ¥1914ի սկիզբները¤ հաստատուած է Ամերիկա, ուր հետեւած է համալսարանական դասընթացքներու, միեւնոյն ատեն աշխատելով օրապահիկի համար։ Հրատարակած է եօթը հատորներ եւ աշխատակցած շատ մը ամսագրերու, պարբերականներու եւ թերթերու։

- Յատուկ հրաւէրով՝ Պուքրէշէն Աթէնք ժամանած է Ռումանիոյ մայրաքաղաքի Պետական Օփերայի հայազգի անուանի երգիչ Դաւիթ Յովհաննէսեան, որ այսօր պիտի մասնակցի Փուչինիի «Թոսքա» օփերայի ներկայացման, որով Աթէնքի Ազգային Օփերան ¥Լիրիքի Սքինի¤ կը կատարէ եղանակին բացումը։